52 nəfərə qarşı dələduzluqda təqsirləndirilən "Bakı MTK"-nın rəhbəri Ruhin Əsgərov və Emil Məhərrəmovun cinayət işi üzrə məhkəmə prosesi başa çatıb.

Musavat.com xəbər verir ki, Bakı Ağır Cinayətlər Məhkəməsində hakim Əhməd Quliyevin sədrliyi ilə keçirilən prosesdə hökm oxunub. Hökmə əsasən Emil Məhərrəmov 14 il, Ruhin Əsgərov isə 9 il müddətinə azadlıqdan məhrum ediliblər.

Qeyd edək ki, onlar eyni mənzili ayrı-ayrı şəxslərə satmaqda ittiham edilirlər. İş üzrə ümumi ziyan 3 milyon manatdır. Təqsirləndirilən şəxslərə Cinayət Məcəlləsini 178.3.2-ci (külli kiqdarda ziyan vurmaqla dələduzluq) maddəsi ilə ittiham verilib.

Bildirək ki, bu iş üzrə başqa iki nəfər də təqsirləndirilir. Onlar Çingiz Bağırov və Eynur Xudiyevdir. Həmin şəxslərin cinayət işi üzrə məhkəmə iclası da Bakı Ağır Cinayətlər Məhkəməsində keçirilir.

Qeyd edək ki, bu iş üzrə zərərçəkmişlər arasında "Qarabağ”ın tanınmış sabiq futbolçusu, hazırda "Səbail” klubunda forma geyinən Rahid Əmirquliyev də var. Onun aldığı iki mənzil də başqa şəxslərə satılıb.