Rusiyada daha bir həkim xəstəxananın pəncərəsindən düşüb

Rusiyada daha bir həkim xəstəxananın pəncərəsindən düşüb
Загрузка...
 Bu, COVİD 19 pandemiyası dönəmində artıq üçüncü belə hadisədir
Qərbi Rusiyanın Voronej bölgəsində təcili yardım bölməsinin həkimi COVID-19 testlərindən müsbət çıxsa da, işləmək məcburiyyətində qalması barədə şikayət etməsindən sonra xəstəxana pəncərəsindən yıxılıb və vəziyyəti ağırdır. RFE/RL xəbər verir ki, bu, son günlərdə ölkədə üçüncü belə hadisədir. Aleksandr Şulepovun həmkarları və regional koronavirus qrupunun nümayəndələri həftə sonu bildiriblər ki, mayın 2-də Şulepov işlədiyi xəstəxananın ikinci mərtəbəsindən, pəncərədən yıxılıb. O, Novaya Usman şəhərində koronavirusdan müalicə alırmış.
Hazırda kəllə qırılması ilə təcili yardım palatasına yerləşdirilib. Şulepov virusa görə aprelin 22-də xəstəxanaya yerləşdirilib, lakin son COVID-19 testi mənfi nəticə verdikdən sonra o, tərxis edilib. Şulepov və həmkarı Aleksandr Kosyakin video çəkərək şikayət edib və deyib ki, koronavirus testi pozitiv nəticə versə də, onların rəhbəri Şulepovu və həmkarlarını birlikdə işləməyə məcbur edib.
Üç gün sonra Şulepov ilkin videosunu geri götürərək deyib ki, Kosyakin ilə çəkdiyi video COVID-19 diaqnozunu bildikdən dərhal sonra "emosional vəziyyətdə” olduğu zaman çəkilib. Şulepov Rusiyada koronavirus infeksiyası zamanı sirli şərtlər ətrafında pəncərədən düşən üçüncü həkimdir. Mayın 1-də Rusiyanın Sibirdəki Krasnoyarsk şəhərində müharibə veteranları xəstəxanasının baş həkimi Yelena Nepomnyaşçaya bir həftə əvvəl ofisinin beşinci mərtəbəsindən yıxılaraq ölüb. Yerli media xəbər verib ki, Nepomnyaşçaya regional səhiyyə naziri Boris Nemiklə konfrans video görüşməsi zamanı düşüb. Onların xəstəxananın bir binasının koronavirus xəstələrini müalicə etmək üçün palataya çevirməyi müzakirə etdikləri bildirilir.
Xəbərlərdə qeyd edilir ki, Nepomnyaşçaya bu fikrə qarşı çıxıb. Aprelin 24-də Moskva yaxınlığında Zvyozdnı şəhərində təcili yardım mərkəzinin rəhbəri Natalya Lebedeva Moskva xəstəxanasının "qəza” adlandırdığı hadisə nəticəsində ölüb. O, xəstəxanada COVID-19-dan müalicə alırmış. REN TV və günlük "Moskovskiy komsomolets” qəzeti xəbər verir ki, Lebedeva xəstəxanadakı yüksək mərtəbədən, pəncərədən düşüb.
"Moskovskiy komsomolets” Lebedevanın həmkarlarından birinə istinadən deyib ki, ola bilsin, həkim özünə qəsd edib, çünkü o, həmkarlarını yoluxdurmaqda ittiham edilirdi. Rusiya səhiyyə orqanları mayın 4-də koronavirus yoluxmalarının sayının 134,687-yə çatdığını və ölkə daxilində ölüm hallarının 1,280 olduğunu bildirib.

Xəbər lenti