R.Kərimzadə yazır: 1991-ci ildə Kürdəmir rayonunda ziyalı ailəsində anadan olmuşam. Orta təhsilimi Şirvan özəl türk Liseyində almışam. Yüksək balla Azərbaycan Tibb Universitetinin stomotologiya fakültəsinə daxil olmuşam. 2012-ci ildə Bakı şəhərində Beynəlxalq Təhsil və Karyera şirkəti olan "Elit Akademy" şirkətini qanunvericiliyə uyğun şəkildə təsis etmişik. Şirkətin açılma məqsədi ölkəmizdə yetişən gənc fərdlərin xaricdə, xüsusən də Türkiyədə ixtisaslaşdırmaq, təhsil almaq və inkişafa gedən yolda düzgün, qərəzli olmayan və heç bir siyasi iradəyə tabe olmayan mərkəzləşmiş qurum olmaq idi. 

Şirkət açıldığı ildən etibarən 5000-dən artıq türk ölkələrinin gənclərini Türkiyədə bakalavr, magistr staj, dəyişim proqramlarına göndərməyə nail olmuşdur. Şirkətin əksər tələbələri ilə hələ də əlaqəsi mövcuddur və həmin məzunlarla görüşlər keçirilir. Şirkətin 2023 hədəflərində tələbələrin sayının 20.000-ə çatdırılması və mərkəzlərinin sayının 12 türk ölkəsində tamamlamaqdır. Hazırda şirkətin Azərbaycan, Türkiyə, Özbəkistan, Qazaxıstan, Qırğızıstan, İraq (Kəlkük), Gürcüstan (Marneuli), Təbrizdə rəsmi ofisləri və partnyorları var. Növbəti açılması plananana ölkələr Türkmənistan, Tatarıstan Yakutya Saxa Cümhuriyyəti və Pakistandır. 2018-ci ildə Bakı ofisi də 240 tələbə ilə təhsil müqaviləsi bağlanıb və onların əksəriyyətinə xidmət göstərilib.

"Bəzi öyrədilmiş valideynlər və işçi heyətindən pulla satılmış şəxslər şirkətə oyun qurub"

"Bəzi öyrədilmiş valideynlər və işçi heyətindən pulla satılmış şəxslər hökümətin siyasi iradəsinə zidd olaraq şirkətə oyun qurub. Şirkətimiz hökümətin işlərinə nəzarət edən Kaspi Təhsil Şirkətinin gözdən qaçmamış və özlərinə rəqib olmaması üçün polisə bu barədə göstəriş verib. Şirkətə qanunsuz olaraq 2018-ci il dekabr ayında cinayət işi açılıb. Həmin ayda qanunsuz olaraq adım Xəzər Tv vasitəsilə hallandırmışdılar. Nəzərinizə çatdırım ki, Xəzər Tv-də Kaspian Təhsil şirkəti də eyni şəxsə və ailəyə xidmət edir. 2019-cu ilin yanvar ayında isə qanunsuz olaraq Nəsimi rayon Polis İdarəsində iştirakım olmadan tanımadığım vəkilin razılığı ilə barəmdə 2 ay 3 gün həbs-qətimkan tədbiri seçilib və bu barədə mənə məlumat verilməyib.

Mən 2018-ci ilin avqust ayından 2019-cu ilin may ayına qədər şirkətin Özbəkistan, Qazaxıstan, Qırğızıstan ofislərində olmuşam. May ayında baş ofis Türkiyədə olarkən mənə həmin ölkənin dövlət qurumları tərəfindən bildirilib ki, ölkənizdə sizin axtarış var. Hüquqi dövlət olduğu üçün 64.58 saylı xarici vətəndaşları qoruma qanunnu 25.77 yarqılamaq üsuluna əsasən Türkiyəni tərk etmədən siyasi sığınacaq alaraq qalıb işin Türkiyə məhkəmələrində baxılması təklif olunub. Mən təklifin ölkəmizdəki nüfuzuna pis təsir edəcəyini və gəlməməyimin günahkar olduğuma dəlalət edəcəyini düşünərək Türkiyə hərbi qurumuna təşəkkürümü bildirərərk Azərbaycana yola düşmüşəm. 28 may 2019-cu ildə Bakı Heydər Əliyev Hava Limanına enən kimi Nəsimi rayon Polis İdarəsinin əməkdaşları tərəfindən qanunsuz olaraq həbs edilmişəm". 

"O, Azərbaycan polisinə yaraşmayan tərzdə küçə dili ilə danışır, söyüş söyürdü"

R. Kərimzadə daha sonra qeyd edir: Səhəri gün Nəsimi RPİ-nin müstəntiqi Ceyhun Rəhimov ilə tanış oldum. Gördüyüm ilk andan etibarən mənə qarşı qərəzli münasibətinin şahidi oldum. O, Azərbaycan polisinə yaraşmayan tərzdə küçə dili ilə danışır, söyüş söyür və etdiyi haqsızlıqlara "yaxşı etmişəm kimə istəyirsən şikayət et", "bura Azərbaycandır" kimi istehzalı, qərəzli əxlaqdan kənar dialoqlar qurmağa çalışırdı. Buna vəkilim Qeys müəllim də şahid olub. 29 may 2019-cu il Nəsimi RPİ-nin müvəqqəti saxlama yerindən kamera və səs görüntüləri çıxararaq istənilən özbaşınalıqları görə bilərsiz. Mənə tanımadığım, ünsiyyətim olmadığı 30 nəfərə yaxın şəxsin məndən şikayət etdiyini və hərəsinin fərqli-fərqli pul tələblərinin olduğunu bildikdən sonra ondan üzləşmə tələb etdim, amma tələbimi yerinə yetirməyərək məni Kürdəxanı təcridxanasına göndərdilər. 2 ay boyunca şikayətçilərlə görüşmə olmadığından həbsimin sifarişli olduğunu bir daha dərk etdim. Ona görə də Baş Prokurorluğa şikayət ərizəsi ünvanladım.

Şikayətə əsasən iş polisdən alınaraq Baş prokuror yanında Korrupsiyaya Qarşı Mübarizə İdarəsinə həvalə olundu və sifarişli həbs müddəti uzadıldı. Həbsxanada olan müddətdə polis polkovniki Ceyhun Rəhimovun işçilərdən hədə-qorxu və təhdidlə külli miqdarda rüşvət aldığım və ilkin həbs qərarının pulla Nəsimi rayon Məhkəməsindən alındığın öyrəndim. Hakim Azər Tağıyev Ceyhun Kərimovla əlbir olub. Həbs müddəti ərzində qərardan apellyasiya şikayəti verdim və məhkəməyə çıxarıldım. Məhkəməyə quldur, cinayətkar dəstənin başqa bir üzvü hakim faiq Qasımov apellyasiya məhkəməsində oldu. O da öz növbəsində tanımadığım başqa vəkili prosesə qoşub danışmağa imkan vermədən prosesi 3 dəqiqəyə yekunlaşdırdı. Mən dini inancıma görə rüşvət verə bilmərəm və bunu bir sınaq olduğunu dərk etdim. Bu qanunsuzluğun bitməsini istəyir və xalqımızı birlikdə hərəkət etməyə çağırıram.