Repressiya və İşgəncələr Əleyhinə Komitə: "Ölkədə qorxu hissinin gücləndirilməsi, qisas məqsədi ilə minlərlə şəxs həbs edilib"

Repressiya və İşgəncələr Əleyhinə Komitə:
Загрузка...
''Təəssüflə qeyd olunmalıdır ki, Azərbaycan hakimiyyəti ona ünvanlanan çox saylı çağırış və tələblərə baxmayaraq dinc, günahsız insanlara qarşı repressiv siyasətini davam etdirir. İnsanlar heç bir əsas olmadan şərlənib həbs olunur. Ağır işgəncələrə məruz qalır və müəmmalı şəkildə qətlə yetirilir...''.   Bu fikirlər Repressiya və İşgəncələr Əleyhinə Komitənin bəyənatında qeyd edilib.
Komitənin sədrli Oqtay Güləliyevin Criminal.az saytına ünvanladığı bəyanatda deyilir: "Aparılan araşdırmalar göstərir ki, ölkədə qorxu hissinin gücləndirilməsi, qisas, tamah və s. məqsədi ilə son bir neçə ildə 1000-lərlə şəxs hüquqi əsas olmadan həbs edilib. Xüsusi qəddarlıq və amansızlıqla işgəncələrə məruz qalıblar. Ən azından 30-dan çox şəxs döyülərək və odlu silahla qətlə yetirilib.
Nardaran hadisələri, "Tərtər işi” və "Gəncə işi” ilə bağlı kütləvi şəkildə repressiyaya məruz qalanlar daha çox olub… Acınacaqlı haldır ki, hakimiyyətin vətəndaşlara qarşı amansız münasibəti dayanmadan davam etməkdədir. May ayında Şəki rayon polis idarəsinə sağlam vəziyyətdə aparılan Qalib Məmmədov günün ikinci yarısı ordan ölü halında çıxarılıb. Onun başında və bədənini bir neçə hissəsində ağır xəsarət izləri olub. Amma işgəncə və qəsdən adam öldürmə faktı ört- basdır edilib. Dəfələrlə çağırış edilməsinə baxmayaraq Gəncə məhbusu Aydın Qurbanov vaxtında azadlığa buraxılıb normal müalicə olunmasına imkan verilməyib. O, həbs edilən zaman məruz qaldığı işgəncələrdən, baxımsız həbsxana şəraitindən, zəif tibbi xidmətdən bir neçə həftə öncə- 10 iyulda Penitensiar Xidmətin Müalicə Müəssisəsində dünyasını dəyişib''.
''Eyni zamanda məlum Gəncə hadisələri ilə bağlı həbs edilən zaman ağır işgəncələrə məruz qalmasına baxmayaraq işgəncə hallarının araşdırılması ilə bağlı təqsirləndirilən şəxslərin, valideynlərin və vəkillərin tələblərini respublika baş prokurorluğu qulaq ardına vurur, bu yöndə hər hansı ədalətli araşdırma aparmır. Halbu ki, bəzi məhbusların bədənlərində işgəncənin izləri hələ də qalır.
Tərtər hadisələrinə görə həbs olunmuş hərbçi Natiq Quluzadənin anası Bahar xanım oğluna qarşı edilən haqsızlıqlara, işgəncələrə dözməyərək bir neçə gün öncə vaxtsız vəfat edib. Mərhumənin dəfn və yas məclisində oğlunun iştirakına imkan verilməyib.
Azərbaycan hakimiyyətinin ölkədə yaratdığı olduqca ağır sosial-iqtisadi durum, bərbad və ədalətsiz idarəçilik ucbatından Avropaya və başqa dövlətlərə üz tutan minlərlə vətəndaşımız vətənə qayıtmamaq üçün özlərinə qəsd edirlər. Almaniyada miqrantların qaldığı kamplarda min bir əziyyətə dözənlərdən biri, ali təhsilli ana Humay Məmmədova ölkəyə deport olunmasına etiraz olaraq Azərbaycana qayıtmaqdansa intihar etməyi üstün tutaraq öz həyatına son qoyub.
Hollandiyadan deport olunan Natiq İsbatov isə ölkəyə qayıdan kimi Avropadakı ictimai- siyasi fəaliyyətinə görə polisə müqavimət adı ilə şərlənərək 30 sutka inzibati həbs olunub. Keçən ilin oktyabr ayında ağır xəstə olan atasına baş çəkmək üçün Latviyadan Azərbaycana gələn Musavat fəalı, şərlənib həbs olunan Azad Həsənov heç bir əsas olmadan 9 aydır qondarma, saxta ittihamlarla həbsdə saxlanılır. Onun məhkəmə sorğularına aidiyyatı qurumlar cavab vermir, məhkəmə prosesi bilərəkdən uzadılır, süründürməçiliyə yol verilir. Azad Həsənov ona qarşı edilən ədalətsizliyə və haqsızlığa etiraz əlaməti olaraq 7 gündür ki, aclıq aksiyası keçirməyə məcbur olub.
DTK əməkdaşlarının korrupsiya əməllərini ifşa etdiyi üçün həbs olunan jurnalist Polad Aslanov ağır cinayətdə ittiham olunur, amma istintaq orqanları bu günə qədər onun əməlində ortaya hər hansı ciddi fakt qoya bilməyib.
Acınacaqlı haldır ki, republika baş prokurorluğu bu qanunsuzluq və zorakı hərəkətləri araşdırmaq əvəzinə həmin faktları dilə gətirən hüquq müdafiəçilərinə, ictimai fəallara və jurnalistlərə təzyiq edir. Onlara susmaq üçün rəsmi xəbərdarlıq edir. Repressiya və İşgəncələr Əleyhinə Komitə hakimiyyətdən vətəndaşlara qarşı həyata keçirilən repressiya, qanunsuz həbslər və işgəncə hallarını durdurmağı, səbəbkarların məsuliyyətə cəlb olunmasını tələb edir''-deyə bəyanatda vurğulanıb. 
Загрузка...
Загрузка...

Xəbər lenti