Ramil Usubovun rəis qohumu işdən çıxarıldı - Məşhur gecə klublarını himayə edirmiş

Ramil Usubovun rəis qohumu işdən çıxarıldı - Məşhur gecə klublarını himayə edirmiş
Bakıda gecə klublarında karantin rejiminin pozulması faktı ilə bağlı iki polis rəisi işdən çıxarılıb. Lent.az xəbər verir ki, Daxili İşlər naziri, general-polkovnik Vilayət Eyvazov bununla bağlı müvafiq əmr imzalayıb.
Əmrə əsasən, Nərimanov rayon Polis İdarəsinin rəis vəzifəsini müvəqqəti icra edən polis polkovnik-leytenantı Fərid Vəliyev tutduğu vəzifədən azad edilib. Nazirin digər əmri ilə Nərimanov rayon Polis İdarəsinin 17-ci Polis Şöbəsinin rəisi, polis polkovniki İltimas Yusifli də tutduğu vəzifədən kənarlaşdırılıb.
Saytın əldə etdiyi məlumata görə, adıçəkilən rəislər rayon ərazisində fəaliyyət göstərən "İnfiniti” və "Extra” gecə klublarında epidemiya əleyhinə və karantin rejiminin pozulması hallarına göz yumduqları üçün işdən çıxarılıblar.
DİN-in mətbuat xidmətinin şöbə rəisi, polis mayoru Elşad Hacıyev faktı təsdiqləyib.
"Qafqazinfo"nun əldə etdiyi məlumata görə, rayon polis idarəsinin rəisi polkovnik Vaqif Müslümov hazırda məzuniyyətdədir. Onun vəzifələrini müvəqqəti olaraq rəisin birinci müavini Fərid Vəliyev icra edirdi. 
Criminal.az xatırladır ki, İ.Yusifli sabiq daxili işlər naziri Ramil Usubovun yaxın qohumudur. 

Xəbər lenti