Putin Qolunov işi ilə bağlı 2 polis generalını işdən çıxarıb

Putin Qolunov işi ilə bağlı 2 polis generalını işdən çıxarıb
Загрузка...
 Daxili işlər naziri deyib ki, jurnalistə qarşı ittihamlar sübut olunmayıb
Rusiya Prezidenti Vladimir Putin iyunun 11-də azadlığa buraxılan araşdırmaçı jurnalist İvan Qolunova narkotik maddə ticarəti işi üzrə məsul olan iki polis generalını vəzifəsindən xaric edib, - Azadlıq Radiosu xəbər verir.
İyunun 13-də Kremlin mətbuat xidmətindən verilən məlumata görə, Putin Moskva polis narkotika nəzarət bölməsinin rəhbəri mayor Yuri Devyatkin və polis rəisi general mayor Andrey Puçkovu vəzifəsindən azad edib.
Daxili işlər naziri Vladimir Kolokoltsev iyunun 11-də deyib ki, o, Putindən Qolunov iddiası ilə bağlı iki yüksək vəzifəli polis məmurunun vəzifəsindən azad edilməsini xahiş edəcək. Kolokoltsev həmçinin deyib ki, Latviyada yerləşən "Meduza" onlayn media platformasının əməkdaşı, 36 yaşlı jurnalist Qolunova qarşı bütün ittihamlar götürülüb, çünki iddia edilən cinayət sübut edilməyib.
Qolunovun həbsi iyunun 6-da bir çox rusiyalı jurnalist və hüquq müdafiəçisi tərəfindən tənqid edilib. Moskva şəhərinin yüksək vəzifəli rəsmiləri və digərləri arasında korrupsiya ilə bağlı istintaq məlumatları ilə tanışdır. İyunun 12-də bir neçə yüz nəfər Moskvada icazəsiz mitinq keçirərək Qolunovun işi üzrə hakimiyyətə təzyiq göstərməyə çalışıblar.
Rusiyada keçirilən nümayişlərə qarşı polis təzyiqini monitorinq edən OVD-Info adlı müstəqil qrup deyir ki, ən az 513 nümayişçi göz altına alınıb.
Qeyd edilir ki, ən azı yeddi adam ictimai tədbirlərin keçirilməsi ilə bağlı qanunu pozmaqda ittiham olunur. Onlar 15 gün həbs cəzasına məhkum ediliblər.
Загрузка...
Загрузка...

Xəbər lenti