“Paşabank”dan yazan repçi azadlığa buraxıldı

“Paşabank”dan yazan repçi azadlığa buraxıldı
Загрузка...
Repçi Pərviz Quluzadə (Paster) azadlığa buraxılıb. APA-nın məlumatına görə, məşhur repçi ötən gün gündüz saatlarında cəza müddətini başa vuraraq azadlığa çıxıb. Qeyd edək ki, bir ay öncə P.Quluzadə Binəqədi rayonu ərazisində narkotikin təsiri altında ictimai asayişi və ictimai qaydanın pozulmasına yönəlmiş hərəkətlər edərkən polis tərəfindən saxlanılıb.
Binəqədi rayon Məhkəməsi tərəfindən P.Quluzadə İnzibati Xətalar Məcəlləsinin 510-cu (xırda xuliqanlıq) və 535.1-ci (polisin qanuni tələbinə tabe olmamaq) maddələri ilə təqsirli bilinərək barəsində 30 sutka həbs qərarı çıxarılıb.
Yaxınlarının Meydan TV-yə bildirmişdi ki, P.Quluzadə dekabrın 9-da yazdığı ‘’Gang’' adlı repində ‘’Paşabank’' haqqında "Götürəcəyəm ölkəni necə Paşabank” deməsi göstərilir. Yaxınları güman edirdi ki, ona saxlanıldığı zaman təzyiq göstərilib.

Xəbər lenti