Azərbaycan parlamentinin sabiq spikeri Oqtay Əsədovun Türkiyədə həbs edilən terror şəbəkəsinin üzvü ilə əlaqələri üzə çıxıb. Həmin şəxs hazırda Türkiyə məhkəməsi tərəfindən üzünmüddətli cəzaya məhkum edilib. Söhbət "Erqenekon” terror şəbəkəsinə üzv olmaqda ittiham olunan Hayrettin Ertekindən gedir.

Müstəqil jurnalist Cavanşir Həsənli O.Əsədovun "erqenekonçu” H.Ertekinlə əlaqəsinin olduğunu göstərən foto paylaşıb. Onların hansı hansı əlaqələrinin olması məlum deyil. 

Xatırladaq ki,  H.Ertekin  "Erqenekon” terror şəbəkəsinə üzv olmaqda ittiham olunaraq 13 il 8 ay azadlıqdan məhrum edilib. Bir müddət əvvəl mətbuatda H.Ertekinin üzərindəki həbs-qətimkan tədbirinin götürülməsi üçün məhkəməyə təminat kimi 100 kq qızıl təklif etməsini yazmışdı. Məşhurların zərgəri kimi tanınan Ertekin bu təklifi məhkəmkəni qaçmayacağına inandırmaq üçün irəli sürüb. Hayrettin Ertekin 100 kq qızılla yanaşı tələb olunacaq qədər kupça, məhkəmənin müəyyən edəcəyi məbləğdə nəğd pul da təklif edib. Ertekin həmçinin barəsində qaldırılan iddiaları qəbul etməyərək terror şəbəkəsinə üzv olmadığını demişdi.