Mübariz Mənsimovun gəmiləri Hacı Məmmədovun oğurlayıb qulağını kəsdiyi şəxsə verilibmiş

17 Aprel 2019, 16:26

17 Aprel

2019

16:26

4399

SOCAR-ın siyasi gücə və imkanlarına söykənib zorluqla "Palmali"dən müsadirə etdiyi gəmilərin taleyi barədə faktlar üzə çıxıb. Müstəqil jurnalist Cavanşır Həsənlinin araşdırmasına görə, SOCAR prezidenti Rövnəq Abdullayev hələ ki, onların izini itirmyə çalışır. 18-25 million dollar dəyərində olan həmin gəmilərin bir neçəsi indi SOCAR-ın filoteliyasından ayrılıb və Rusiya bayrağı altında beynəlxalq sularda üzür.

Belə ki, SOCAR 7 sentyabr 2016-cı ildə Dubayda (vergidən azad zona) İsveçrə şirkəti kimi qeydiyyatdan keçirdiyi SOCAR Logistics DMCC vasitəsilə bir neçə gəmini Maltaya göndərib. Rövnəq Abdullayev həmin gəmiləri yaxın adamı, əvvəllər BBC Konstruktion şirkətinin sahibi olmuş İlham Qədimzadənin adına qeydiyyatdan keçirdiyi 5 şirkətin ("Milagress", "Caminero" , "Prover", "Blue Lake Star" və "Planeo") sərəncamına verib. Gəmilər indi həmin şirkətlərin adı ilə tanınır. Yeri gəlmişkən, İlham Qədimzadənin Polşada "NEWNET TECHNOLOGY" adı ilə qeydiyyatdan keçmiş şirkəti də var.

İlham Qədimzadə 1997-ci ildə Hacı Məmmədovun cinayətkar dəstəsi tərəfindən girov götürülmüşdü və valideynlərindən külli-miqdarda pul tələb olunmuşdu. Onun atası Vaqif Qədimov Dövlət Neft Şirkətinin məsul işçisi idi, Hacı Məmmədovla dostluq münasibətləri olub, sonradan elə onun dəstəsi tərəfindən qətlə yetirilib.

SOCAR sözügedən gəmiləri Malta üzərindən Rusiyaya ötürüb. Belə ki, həmin gəmilər indi Dubayda qeydiyyatdan keçmiş SOCAR Logisticsin keçmiş əməliyyat müdiri Namiq Qədirovun və vaxtilə BP-nin Azərbaycan Xəzər regionundakı təmsilçisi olmuş Asim Mövsümzadənin şərik olduqları Fraxtmortrans OOO (Rusiya) şirkətinin icarəsindədir. Bu şirkət 2016-cı ilin avqustun 17-də qeydiyyatdan keçirilib (dövlət qeydiyyatı nömrəsi: 1167746774601), 2017- ildə illik gəliri 1 milyard rubl (15,5 milyon dollar) civarındadır.

Namiq Qədirovun adlna İsveçrədə də kiçik gəmiçilik şirkəti var.

Xatırladaq ki, bir neçə gün əvvəl "Palmali" şirkətinin rəhbəri Mübariz Mənsimov Rövnəq Abdullayevin ünvanına sərt ittihamlar səsləndirmişdi.

SOCAR-ın mətbuat xidmətinin rəhbəri İbrahim Əhmədov Criminal.az saytına açıqlamasında bildirdi ki, daha əvvəllər Mübariz Mənsimov SOCAR və Lukoil kimi şirkətlərin sifarişlərini yerinə yetirirdi. Hətta SOCAR-dan kredit də almışdı. Daha sonra mailiyyə öhdəlikləri və onun icra olunmaması ilə bağlı müyyən məsələlər gündəmə gəlib.

Şirkət rəsmisinin sözlərinə görə, bəzi gəmilər Mübariz Mənsimovdan alınıb, lakin hazırda məhkəmə prosesi gedir: "Bəzi məhkəmə proseslərində SOCAR-ın mövqeyinin haqlı olduğu sübut olunmuşdu. SOCAR-ın mövqeyi sonradan beynəlxalq məhkəmədə qanunsuz və haqsız kimi sübut olunarsa, şirkət olaraq buna əməl edəcək. Yox, əksinə Mübariz Mənsimovun mövqeyi qanunsuz hesab olunsa, gərək o əməl etsin. Hər şeyin dürüst bir həli yolu var. O da dövlətlərin və şirkətlərin fəaliyyət göstərdiyi dövlətlərin qanunvericiliyi və onların məhkəmələdirir".