Oğru dünyası da informasiya texnologilarının yüksək inkişafı ilə ayaqlaşır. Azərbaycanlı ''qanuni oğru'' ''Lotu Quli''nin son zamanlarkı fəaliyyətini izləyəndə bu fikrə gəlmək olar. Criminal.az xəbər verir ki, ''Lotu Quli'' bu yaxınlarda "instagram" sosial şəbəkəsində canlı yayına çıxıb. O, öz izləyiciləri ilə görüşüb, onların salamlarını, xoş sözlərini qəbul edib.

Bu adada qeyd edək ki, 2 gün əvvəl "Lotu Quli"nin ailəsində toy məclisi olub. Onun bacısı qızının Gürcüstanda möhtəşəm toy məclisi baş tutub. Toyda Azərbaycan şou-biznesinin tanınmış simalarının da iştirak etməsi barədə iddialar var. Bildirilir ki, müəğnni Şəbnəm Tovuzlu, Bahar Lətifqızı, Zeynəb və şairə Nazilə Səfərli toy məclisində iştirak edənlər arasında olub.

"Lotu Quli" məclisdə iştirak etməyib, lakin qohumları və ailə üzvləri onun şərəfinə rəqs ediblər. Ehtimal olunur ki, Gürcüstanın sabiq prezidenti Mixail Saakaşvilinin bir vaxtlar imzaladığı qanun "Lotu Quli"nin bir dayı kimi bacısı qızının xoş gününə şahidlik etməsinə imkan verməyib. Sabiq prezident ölkə ərazisini "qanuni oğru"ların tərk etməsi və ya onların həbsxanada olması ilə bağlı qanun imzalamışdı.