Londonda 6 milyon funt sterlinqə mənzili kim alıb? - O, milyonluq at minir... Londonda 6 milyon funt sterlinqə mənzili kim alıb? - O, milyonluq at minir...

Londonda 6 milyon funt sterlinqə mənzili kim alıb? - O, milyonluq at minir...
Загрузка...
SOCAR-ın prezidenti Rövnəq Abdullayev ölkə neftinin xarici bazarlara satışını faktiki olaraq qohumu Anar Əliyevə və Əhmədzadə qardaşlarına etibar edib. Jurnalist Cavanşir Həsənlinin araşdırmasına görə, ölkə neftinin xarici bazarlara satışını həyata keçirən SOCAR-Tradingin üzü Sinqapurdan bəri Cenevrədəki baş ofisinə qədər nə əməliyyatlar keçirilib, nə maxinasiyalara yol verilib, bunlar çox dərin araşdırmalar tələb edir. Sadəcə dövlətin neft şirkətinin düşdüyü durumu xatırlamağınız kifayətdir. 

Rövnəq Abdullayev 
Aydın məsələdir ki, 10 milyarda çatan borcu nə ağzı köpüklənə-köpüklənə SOCAR-ın müdafiəsinə qalxmış məlum deputat, nə Rövnəq Abdullayev, nə də qeyrisi ödəməyəcək, yenə o pullar xalqın cibindən çıxacaq, boğazından kəsiləcək.
Kimdir cənab Əhmədzadə?
2006-cı ildən SOCAR-ın Marketing və İqtisadi Əməliyyatlar İdarəsinin rəisidir, SOCAR-Trading-ə rəhbərlik edir. Amma Birləşmiş Ərəb Əmirlikləri, İngiltərə və İspaniyada biznesmen kimi tanınır. SOCAR-ın Sərmayələr və Marketinq üzrə vitse-prezidenti Elşad Nəsirovun qohumudur. Bəzən deyirlər, "Adnan kiçik adamdı”, amma bu kiçik adamın özünün belə ultra-lüks həyatı, zəngin yaşayışı ingilisləri belə heyrətə gətirir. Bahalı SR brendinin düşkünüdür. Artıq şəkillərini mətbuatda yayılan bahalı avtomobillər, qiyməti 1 milyon dollara çatan Jacob Co Astronomia saatı, Palm Cümeyrada daşınmaz əmlak, şirkətlər – bunlar bir idarə rəisinin gözünü doyurmayacaq qədər əldə etdiyi imkanlardır. 

Bu ilin fevralında yerli mətbuatda SOCAR-da aparılan yoxlamalar zamanı törəmə şirkətlərdə ciddi maxinasiyalar və vergidən yayınma hallarının üzə çıxdığı, Rövnəq Abdullayevin kassası kimi tanınan Adnan Əhmədzadənin saxlandığı və daha sonra sərbəst buraxıldığı barədə təsdiq olunmamış məlumat yayılmışdı. Azərbaycanda SOCAR rəsmisinin geniş biznes şəbəkəsinin olduğu barədə məlumatlar var.
Məsələn Rahat supermarketlər şəbəkəsi, Xoxo gecə klubu, hətta Rusiya, Ukrayna Gürcüstan, Qazaxıstan və Polşada iri layihələr həyata keçirən "Caspian Service” tikinti şirkətinin də Adnan Əhmədzadəyə məxsus olduğu deyilir. Binə qəsəbəsindəki atçılıq fermasında bahalı "Throughbred” atları var. Amma bunlar hamısı deyil... 

"Throughbred” atı 
İngiltərə və Uelsdə əmlak qeydiyyatını aparan HM Land-ın məlumat bazasında Adnan Əhmədzadənin 2016-cı ilin fevralında Londonda qiyməti 6 milyon 50 min funt sterlinq olan (8 milyon dollara yaxın) mənzil aldığı haqqında sənəd yerləşdirilib. Söhbət ingilislərin Hamlet Tower adlandırdığı, Denison House, 20 Lanterns way ünvanındakı 409-saylı mənzildən gedir. Sənədə görə mənzil üçün ödəniş İngiltərənin cənubundakı Channel adalarında qeydiyyatdan keçmiş Hambros BANK LİMİTED üzərindən reallaşdırılıb. 
 Adnan Axundzadənin avtomobilləri
Sənədlərdən göründüyü kimi 5 milyon 500 min funt sterlinq dəyərində birinci ödəniş 26 aprel 2018-ci il tarixdə Adnan Əhmədzadənin öz adına olub. Bu sənəddə Adnan Əhmədzadənin yaşayış ünvanının Dubayda Palm Jumeirahdakı Oceana Residence (Argean Building PH2) olduğu əksini tapıb. Bu rezidensiyada 3 otaqlı mənzilin qiyməti 3.9 milyon dirhəmdən 7.7 milyon dirhəmə qədər (1.1 milyon dollardan 2.1 milyon dollara qədər) dəyişir. Yeri gəlmişkən Adnan Əhmədzadənin əsas biznesi Birləşmiş Ərəb Əmirliklərində yerləşir. Londondakı mənzilə görə 550 min funt sterlinqlik ikinci ödəniş 2019-cu il fevralın 14-də Aa Properties 2000 Limited şirkəti üzərindən həyata keçirilib. 

AA PROPERTIES 2000 LTD 2015-ci il dekabrın 4-də Londonda qeydiyyatdan keçib. Qeydiyyat nömrəsi 09903368, hüquqi ünvanı London, 32 Old Burlington Street-dir. Şirkətin təsisçisi Adnan Əhmədzadədir. Şirkət daşınmaz əmlak alışı ilə məşğuldur. SOCAR-ın idarə rəisi və SOCAR Tradingin rəhbəri 2017-ci il yanvarın 9-a qədər həm də təsisçisi olduğu özəl şirkətdə direktor vəzifəsini icra edib. Bu tarixdən bəri şirkətə 1994-cü il təvəllüdlü Nigar Kərimli rəhbərlik edir.
Əhmədzadələrin İngiltərədə daha bir şirkətləri var. Londonda fəaliyyət göstərən PS ASSETS LİMİTED şirkəti 2 oktyabr 2013-cü ildə qeydiyyatdan keçib. Qeydiyyat nömrəsi 08715209, qeydiyyat ünvanı Gallium House Unit 2, Station Court Borough Green Sevenoaks Kent. Şirkət daşınmaz əmlak alışı və satışı ilə məşğuldur. Şirkətin səhmdarları arasında azərbaycanlılardan Elmar Ağamalıyev, Toğrul Rzayev adlı şəxslərlə yanaşı (hər ikisi SOCAR Tradingin işçisidir), Corinthia Properties SA şirkətinin adı da var. Bu şirkət İsveçrədə qeydiyyatdan keçib və Bakı şəhəri, Bülbül prospekti 18 ünvanında qeydiyyatda olan 1976-cı il MİRZƏCANOVA DİLARƏ CAHANGİROVNA adlı qadının adına rəsmiləşdirilib. 

Qeyd edək ki, bu ünvanda AZAL prezidenti Cahangir Əsgərovun qızları Cəmilə və Məlahət Əsgərovalar da bu ünvanda qeydiyyatdadırlar. Reyestr xidmətinə 2 dekabr 2018-ci ildə əlavə edilən məlumata görə şirkətin səhmlərinin dəyəri 1 milyon 12 min 382 funt sterlinq təşkil edib. 2016-cı ilin aprelin 6-da Adnan Əhmədzadənin qardaşı, 1977-ci il təvəllüdlü Xəyal Əhmədzadə və atası, 1948-ci il təvəllüdlü Azər Əhmədzadə bu şirkətin səhmlərinin böyük hissəsini alaraq, şirkətin 75 faizinə nəzarət edir.
Adnan Əhmədzadənin qardaşı, Xəyal Əhmədzadə də SOCAR rəhbərliyində təmsil olunur. Qardaşının prezidenti olduğu SOCAR-Trading-də biznesin inkişafı üzrə vitse-prezident vəzifəsini icra edir. Maraqlı nüanslardan biri Xəyal Əhmədzadənin qeydiyyat ünvanının Dilarə Mirzəcanova Cahangirovnaya aid Corinthia Properties SA şirkətinin Cenevrədəki ünvanının eyni olmasıdır. 

Digər nüans, SOCAR Tradingin direktorlarından biri Məryəm Almaszadənin də Dilarə Mirzəcanovaya digər şirkətdə pay sahibi olmasıdır. Adnan Əhmədzadənin daha bir şirkəti İspaniyadadır. SIMPLEMENTA2000 SL 11 oktyabr 2018-ci ildə Malaga Ticari Qeydiyyat Bürosunda (Registro Mercantil de Málaga) SOCAR-ın idarə rəisinin öz adına qeydiyyatdan keçib. Qeydiyyat nömrəsi 410363, nizamnamə kapitalı 3.006,00 avrodur. Amma bu şirkət SOCAR rəsmisi üçün sadəcə viza və rezidensiya məqsədi daşıyır. 

İxtiyar Axundov 
Rövnəq Abdullayevin daha bir adamı, SOCAR-ın törəmə müəssisə Boss-Shelfin prezidenti İxtiyar Axundovun Amerika macəraları üzə çıxıb. Marqlıdır, SOCAR-ın kisəsinə girənlərin hamısı necə biznesmen olub. Yadınızdadır, o, Miamidə milyonlarla dollara mənzil almışdı? Bu mətbuata bəlli olanıdır, adam Amerikanın şərqindən vurub qərbindən çıxır, Miamidən girib San-Fransiskodan çıxır. C.Həsənlinin növbəti araşdırması İ.Axundov haqda olacaq. 
 
Eyni zamanda Rövnəq Abdullayev Polaris Plazanın 8-ci mərtəbəsindəki böyük "işlər”i barədə xəbəriniz olacaq. 




















Загрузка...
Загрузка...

Xəbər lenti