İlham Əliyev: “Serjiki qulağından dartıb vəzifələrə gətirən Köçəryan idi...” - PREZİDENT SƏRKİSYANIN KEÇMİŞİ HAQDA SENSASİON FAKTLAR AÇIQLADI

İlham Əliyev: “Serjiki qulağından dartıb vəzifələrə gətirən Köçəryan idi...” - PREZİDENT SƏRKİSYANIN KEÇMİŞİ HAQDA SENSASİON FAKTLAR AÇIQLADI
Ötən gün prezident İlham Əliyev Tərtər və Bərdə rayonlarına səfəri çərçivəsində işğaldan bir il əvvəl azad edilmiş Suqovuşan qəsəbəsində və Talış kəndində olub. Orada Azərbaycan bayrağını ucaldıb və elektrik stansiyalarının, yeni çəkilmiş yolların açılışını edib.
Dövlət başçısı Suqovuşanda Azərbaycan bayrağının ucaldılması mərasimində çıxışı zamanı Ermənistanın keçmiş prezidenti, son günlər yenidən fəallaşan Serj Sərkisyanın keçmişi haqda sensasion faktlar açıqlayıb. "Mən deyəndə ki, Serjik hərbi cinayətkardır, bunu təkcə mən demirəm, bunu bölgə ilə tanış olan bütün qərəzsiz və müstəqil politoloqlar, jurnalistlər deyirlər. Britaniyalı jurnalistə verdiyi müsahibədə demişdi ki, Xocalı soyqırımını şəxsən özü törədib. Bunun da izahatını vermişdi ki, azərbaycanlılar bilməlidirlər, Ermənistan ordusu dinc əhaliyə qarşı silah qaldıra bilər", - İlham Əliyev deyib.
Azərbaycan prezidenti Serj Sərkisyan haqda daha sonra bunları bildirib: -Bu qanlı cinayətkar Serjik Sərkisyandır. Xain deyirəm, bu, təhqir deyil. O, hər addımbaşı xəyanət edib.
 
Birincisi, çörəyini yediyi Azərbaycan xalqına. İkincisi, onun rəhbəri olan keçmiş Dağlıq Qarabağ Muxtar Vilayətinin birinci katibi Gevorkova ki, onun yavəri olub, onun qovluq daşıyanı olub. Bu, onun tərcümeyi-halında da var, bəlkə də onu sildirib, amma bizim arxivlərdə var. Çünki onun vəzifələrə təyin olunması Bakıdan keçirdi. Bizim arxivlərdə hər şey var. Serjik Sərkisyan Boris Gevorkovun rəsmən köməkçisi vəzifəsini daşıyırdı, amma faktiki olaraq nökəri, kabab bişirəni və istirahət məclislərinin təşkilatçısı funksiyasını yerinə yetirirdi. Sonra nə oldu? Sonra separatist hərəkat başlayan kimi Serjik Gevorkovu satdı, xəyanət etdi. Bu, ikinci xəyanət. Üçüncü xəyanət onun rəhbəri olan Köçaryana qarşı idi.
İndi Ermənistanda bunu bilməyən yoxdur. Serjiki qulağından tutub vəzifələrə gətirən Köçaryan olmuşdur. Bütün vəzifələrə onu o, təyin edib. Prezident vəzifəsinə də zorla o, təyin etdirib. Halbuki erməni xalqı Serjikə nifrət edirdi. Ondan sonra nə oldu? Heç bir il keçmədi Köçaryanı artıq kənara qoydu, heç telefonlarına da cavab vermirdi. Görün, bu, nə qədər alçaq xislətli bir ünsürdür…

Xəbər lenti