Hərbi Hava Qüvvələrinin 44 günlük müharibədə düşməni darmadağın etməsi: unikal taktika və silahlarla - “MÜHARİBƏNİN SONLARINA YAXIN VURMAĞA HƏDƏF TAPA BİLMİRDİK...” Hərbi Hava Qüvvələrinin 44 günlük müharibədə düşməni darmadağın etməsi: unikal taktika və silahlarla - “MÜHARİBƏNİN SONLARINA YAXIN VURMAĞA HƏDƏF TAPA BİLMİRDİK...”

Hərbi Hava Qüvvələrinin 44 günlük müharibədə düşməni darmadağın etməsi: unikal taktika və silahlarla - “MÜHARİBƏNİN SONLARINA YAXIN VURMAĞA HƏDƏF TAPA BİLMİRDİK...”
 Ötən gün İctimai televiziya (İTV) 44 günlük Vətən müharibəsində Azərbaycanın Hərbi Hava Qüvvələrinin apardığı döyüşlərdən bəhs edən sənədli filmi nümayiş etdirib. virtualaz.org xəbər verir ki, həmin filmdə Hərbi Hava Qüvvələrinin komandanı, general Ramiz Tahirov və döyüş təyyarələrinin, vertolyotların pilotları danışır. Habelə hərbi əməliyyatların gedişində çəkilmiş və düşmənin zirehli texnikasının, canlı qüvvəsinin, döyüş mövqelərinin Azərbaycan ordusunun döyüş təyyarələrindən və vertolyotlardan endirilən dəqiq zərbələrlə necə məhv edildiyi barədə kadrlar yayımlanıb. 

General Ramiz Tahirov bildirib ki, müharibədən əvvəl Ali Baş komandan, prezident İlham Əliyev Azərbaycan torpaqlarının işğaldan azad edilməsi üçün aparılacaq döyüş əməliyyatlarının bir neçə variantına dair planları təsdiq etmişdi. Və həmin döyüş planlarında Hərbi Hava Qüvvələrinin qarşısına konkret vəzifələr qoyulurdu. Komandanın sözlərinə görə, dövlət başçısı düşmən üzərində hava üstünlüyünün təmin edilməsi vəzifəsini Hərbi Hava Qüvvələri qarşısında qoymuşdu və bu vəzifə yerinə yetirildi.
Ramiz Tahirov döyüşlərdə Azərbaycan aviasiyasının, Su-25 hücum təyyarələrinin lazerlə hədəfə yönləndirilən bombalar tətbiq etdiyini də deyib.
"Vətən Müharibəsindən qabaq deyirdilər ki, iki dəfə bomba eyni yerə düşə bilməz. Biz göstərdik ki, eyni yerə iki dəfə bomba ilə zərbə endirmək olar", - deyə Hərbi Hava Qüvvələrinin komandanı əlavə edib.
Azərbaycan Ordusunun 44 günlük Vətən müharibəsində əldə etdiyi qələbə Hərbi Hava Qüvvələrinə məxsus vertolyotların da mühüm rolu olub. Vertolyotlar düşmənə 30 kilometr məsafədən "SPİKE NLOS” tank əleyhinə idarəolunan raketləri ilə sərrast zərbələr endiriblər. Həmin sənədli filmi təqdim edirik:

Xəbər lenti