Gəncədə itkin düşən qızı 20 yaşlı sevgilisi öldürübmüş...

Gəncədə itkin düşən qızı 20 yaşlı sevgilisi öldürübmüş...
 Bir ay əvvəl Gəncədə itkin düşən qızın meyiti tapılıb. "Qafqazinfo”nun əldə etdiyi məlumata görə, 19 yaşlı qızın meyiti bir neçə saat əvvəl şəhər ərazisində tapılıb. Onun qətlində 20 yaşlı sevgilisi şübhəli bilinərək saxlanılıb. Bundan öncə, qızın axtarışları zamanı bir neçə dəfə dindirilən oğlan qızdan xəbəri olmadığını deyərək cinayəti etiraf etməkdən imtina edib.
***
Gəncə Şəhər Baş Polis İdarəsinin əməkdaşları tərəfindən keçirilən əməliyyat axtarış tədbirləri nəticəsində 2002-ci il təvəllüdlü Pərvin Musayevanın meyiti şəhərin Avtozavod deyilən ərazisində zibil poliqonundan tapılıb.
Onu sevgilisi, 2001-ci il təvəllüdlü Sərdar Cəfərov qısqanclıq zəminində boğaraq öldürüb və zibillikdə gizlədib. Qətl təxminən bir ay əvvəl törədildiyi üçün meyit eroziyaya uğrayıb. Qətli törətməkdə şübhəli bilinən Sərdar Cəfərov saxlanılıb. İstintaq davam etdirilir.

Xəbər lenti