“Gəncə işi”ndə günahlandırılanlar aclıq aksiyasına başlayıb

“Gəncə işi”ndə günahlandırılanlar aclıq aksiyasına başlayıb
Загрузка...
 "Gəncə işi" üzrə təqsirləndirilən bir qrup şəxs sentyabrın 6-da məhkəmə prosesində aclıq elan etdiklərini açıqlayıb. Buna səbəb kimi prokurorun sentyabrın 5-də çıxışında ağır cəza istəməsi göstərilib. Dövlət ittihamçısı sentyabrın 5-də keçirilən prosesdə bu qrupdaki 8 şəxsə 5 ildən 16 ilə qədər iş istəyib. Ən az 5 il istənilən Emil Məmmədovun ötən ilin iyulunda tutulanda 16 yaşı tamam olmayıb. Dövlət ittihamçısı ibtidai istintaq zamanı həbsdə olan şəxslərə qarşı kütləvi iğtişaşların təşkili və hakimiyyət nümayəndəsinə qarşı zorakılıq və digər ittihamların təsdiqini tapdığını bildirib.
Məhkəmə prosesi Bakıda keçirilsə də, onların işinə Gəncə Ağır Cinayətlər Məhkəməsinin hakimləri baxır. Bu 8 nəfərə ötən ilin iyulunda Gəncədə icra başçısı Elmar Vəliyevə sui-qəsdən bir həftə sonra keçirilən aksiyada polisləri öldürməyə cəhd, kütləvi iğtişaşların təşkili, qanunsuz silah saxlama, polislərə xəsarət yetirmə kimi ittihamlar verilib.
Dövlət ittihamçısı çıxışında 8 nəfərdən 6-nın üzərindən Cinayət Məcəlləsinin 29.120 (qəsdən adam öldürməyə cəhd) maddəsinin götürülməsini təklif edib. O, təqsirləndirilən şəxslərdən 2-nin üzərində istintaq vaxtı ittiham kimi verilmiş bütün maddələrin saxlanmasını istəyib. Həmin təqsirləndirilən şəxslərdən də B.Əliyevə 16, H.Qurbanova isə 15 il həbs cəzası verilməsini, bu cəzaların da ciddi rejimli müəssisədə çəkilməsini təklif edib.
Prokuror digər təqsirləndirilən şəxslərin isə CM-nin 220.1 (kütləvi iğtişaşların təşkili) və 315.2 (hakimiyyət nümayəndəsinə həyat və sağlamlığı üçün təhlükəli olan zor tətbiq etmə) maddələriylə cəzalandırılmasını istəyib. Sentyabrın 6-da keçirilən iclasda bəzi müttəhimlərin ( 3) vəkilləri yekun sözlə çıxış edib. Onlar müdafiə etdikləri şəxslərə bəraət verilməsini xahiş ediblər.
Növbəti iclas sentyabrın 12-nə təyin edilib. Amma təqsirləndirilən şəxslərin aclıq aksiyasına başlamaları haqqında açıqlamasına, hələlik, Penitensiar Xidmətdən münasibət almaq mümkün olmayıb.
Загрузка...
Загрузка...

Xəbər lenti