Elmlər doktorunun qardaşına 7 il cəza verildi Elmlər doktorunun qardaşına 7 il cəza verildi

Elmlər doktorunun qardaşına 7 il cəza verildi
Загрузка...

Bakı Ağır Cinayətlər Məhkəməsində içkili vəziyyətdə avtomobil idarə edərək iki nəfərin ölümünə səbəb olan Şamil Həsənova hökm oxunub.

"Qafqazinfo”nun verdiyi xəbərə görə, hakim Rahib Salmanovun icraatında olan prosesdə məhkəmə kollegiyasının hökmü ilə Ş.Həsənov 7 il müddətinə azadlıqdan məhrum edilib.

İttihama görə, hadisə 2018-ci il martın 12-də saat 02 radələrində Sumqayıt şəhərində baş verib. Şamil Həsənov sərxoş halda idarə etdiyi "Hyundai Azera” markalı 99 DV 039 dövlət qeydiyyat nişanlı avtomobillə Sumqayıt şəhəri, Koroğlu küçəsində Eldar Həsənovun idarə etdiyi 50 BE 671 dövlət qeydiyyat nişanlı "Oka” markalı avtomobillə toqquşub. Nəticədə E.Həsənov və sərnişini Vüsal Quliyev hadisə yerində vəfat edib.

 

Şamil Həsənov Bakı Dövlət Universitetinin İlahiyyat fakültəsinin məzunudur. O, AMEA-nın Məhəmməd Füzuli adına Əlyazmalar İnstitutunun böyük elmi işçisi, ilahiyyat üzrə fəlsəfə doktoru Əkrəm Həsənovun qardaşıdır.

Xatırladaq ki, Əkrəm Həsənov bir neçə dəfə müzakirələrə səbəb olan fərqli fikirləri ilə gündəmə gəlib.

Ş.Həsənov isə özünün avtomobil həvəsi ilə medianın gündəmində olub. Əslən Qubadlıdan olan Ş.Həsənov 039 seriyası ilə avtomobillər nümayiş etdirib. Bildirək ki, bu seriya Qubadlı rayonunun avtomobil dövlət nömrə nişanıdır.



Загрузка...
Загрузка...

Xəbər lenti