Elmira Axundova 1 milyon verib səfir getməsi iddiasından danışdı Elmira Axundova 1 milyon verib səfir getməsi iddiasından danışdı Elmira Axundova 1 milyon verib səfir getməsi iddiasından danışdı

Elmira Axundova 1 milyon verib səfir getməsi iddiasından danışdı
Sabiq deputatın səfir təyin olunmaq üçün Fuad Muradovun vasitəsilə 1 milyon dollar rüşvət verdiyi bildirilir; oğlu Həbib Axundov isə dostlarına "Hazırlaşın bir aya mamam səfir olan kimi gedirik Ukraynaya qızlarla kef etməyə” deyib sevinir
Milli Məclisə keçirilən 9 fevral növbədənkənar seçkilərdə mandat ala bilməyən bəzi deputatlar artıq özlərini müxtəlif vəzifələrə təyin etdirmək üçün qapıları döyürlər. Onlar Azərbaycan prezidentinə yaxın olan şəxslər vasitəsilə İlham Əliyevə təsir göstərərək vəzifələrə təyin olunmağa çalışırlar. Hazırda 66 yaşı olan və özünü cəmiyyətə yazıçı, publisist, jurnalistdən daha çox adı qalmaqallarda keçən keçmiş deputat Elmira Axundova Azərbaycanın Ukraynadakı səfiri təyin olunmaq arzusundadır. Rusiyada doğulmuş və rus təəssübkeşliyi ilə seçilən Elmira Axundovanın niyə məhz Ukraynanı seçməsi bizə maraqlıdır…

AXUNDOVA NƏ QƏDƏR XƏRCƏ DÜŞÜB?
Hələ fevralın 22-də Criminal.az saytı Elmira Axundovanın Ukraynaya səfir göndəriləcəyi barədə xəbərlər yaymışdı. Timetv.live saytı yazır ki, o zaman bu məsələ o qədər ciddiyə alınmasa da, amma bu günlərdə maraqlı hadisə baş verib. Elmira Axundovanın oğlu Həbib Axundov dostlarına bildirib ki, Ukraynaya köçməyə hazırlaşır. Deyib ki, bir aydan sonra anası Azərbaycanın Ukraynadakı səfiri təyin olunacaq. Bunun üçün düz 1 milyon dollar xərcləri çıxıb.
FUAD MURADOV FUAD MURADOV
Sayt yazır ki, Diaspora Komitəsinin sədri Fuad Muradov araçılıq edib. Bir milyon dollar rüşvət verildikdən sonra Prezident Administrasiyasından xarici işlər naziri Elmar Məmmədyarova zəng vuraraq bildiriblər ki, Elmira Axundovanı qəbul eləsin. Məmmədyarov Axundovanı qəbul edib və Axundova ona deyib ki, səfir təyin olunmaq üçün lazımi "prosedurları” keçib. Məmmədyarov da aldığı tapşırığa uyğun olaraq ona səfir postuna hazırlaşmağı tövsiyyə edib və deyib ki, bir aya sərəncamı veriləcək.  

Yazı müəllifinin fikrincə, bunlar onu deməyə əsas verir ki, müxtəlif əyri yollarla külli miqdarda sərvətə malik olan ailə indi də ölkənin diplomatik nümayəndəliklərini pulla alırlar. Hələlik biz güman edirik ki, Axundovların Fuad Muradov vasitəsilə 1 milyon dollara səfir olmaq sövdələşmələri baş tutmayacaq. Çünki ölkə rəhbərliyi bilir ki, Ukraynada demokratik cəmiyyət var. Onlar araşdıracaqlar və Azərbaycan səfirinin kimliyi ortaya çıxacaq. Bu da təbii ki, Azərbaycana ciddi zərbədir. Hələlik isə vaxt var. Yaşayaq görək, Azərbaycan rəhbərliyi üçün pulmu daha önəmlidir, ölkənin diplomatik imicimi?
Criminal.az ötən yazıda da bildirmişdi ki, E.Axundova "xilas kəməri" kimi ona toxunlumazlıq verəcək posta təyinat almağa çalışır. Səfir təyinatı bu baxımdan E.Axundovaya hava-su kimi lazımdır. Deputat toxunlumazlıq imtiyazı aradan qalxıb, onu və oğlu Həbib Axundovu hüquq-mühafizə orqanlarının dəmir qollarından bu toxunulmazlıq imtiyazı alırdı. İndi isə Həbibin yaxası istintaqçıların əlindən çətin ki, kənar qala. 
Criminal.az sabiq deputatın səfir təyin olunacağı ilə bağlı yayılan iddialara münasibət öyrənmək E.Axundova ilə əlaqə saxlayıb, onun fikirlərini öyrənib. Axundova deyib ki, yayılan məlumatlar doğru deyil. 
"Həqiqətə uyğun deyil, özüm də bu haqda heç nə bilmirəm. Hamısı cəfəngiyyatdır. Siz də belə cəfəngiyyatları çox yazmısınız. Heç kimə inanmayın. Heç nə vermə. Hələlik oturmuşam evdə, yaradıcılığımla məşğulam".
"Bəs belə xəbərlər hardan qaynaqlanır?" sualımıza isə E.Axundovanın cavabı belə oldu: "Belə xəbərləri yayanlanlar bilmirsən kimdir? Siz nə qədər yazmısınız bu barədə? Düşmənimin materialları idi siz yazırdınız. Çox xahiş edirəm, siz mənə zəng etməmisiniz, xahiş edirəm. Bu məsələlər də həqiqət deyil".
Xatırladaq ki, E.Axundova dəfələrlə mətbuata oğlu Həbiblə bağlı qeyri-dürüst açıqlamalar verib. Məsələn, Həbib Axundov "Miss Lafarella” internet yarışmasının iştirakçısı Günel Mirzəyeva Xəzərin sularında yoxa çıxdıqdan sonra yaxasını kənara çəkirdi, deyirdi ki, bəs mən orada olmamışam. Anası Elmira Axundova da eyni mövqedəydi.
Amma az keçəndən sonra Həbib Axunov da, anası Elmira Axundovanın da mövqeyi bir qədər dəyişdi. Ana-bala başladılar ki, bəs Həbib Axundov orda olub, amma sahildə dayanıb və Günel Mirzəyevanın sahildən 300 metr aralıda batmasını görüb, bəs kömək edə bilməyib. Buna qədər isə Elmira Axundova oğlunun üzgüçü olmasını, Günel Mirzəyevanın yanında olardısa, onu xilas edəcəyini demişdi.

Xəbər lenti