Eks-deputatın oğlunu dəhşət saçan ölüm işinə pərçimləyən ifşaedici suallar – QATI AÇILMAYAN CİNAYƏT Eks-deputatın oğlunu dəhşət saçan ölüm işinə pərçimləyən ifşaedici suallar – QATI AÇILMAYAN CİNAYƏT Eks-deputatın oğlunu dəhşət saçan ölüm işinə pərçimləyən ifşaedici suallar – QATI AÇILMAYAN CİNAYƏT

Eks-deputatın oğlunu dəhşət saçan ölüm işinə pərçimləyən ifşaedici suallar – QATI AÇILMAYAN CİNAYƏT
17 Fevral 2020, 15:34
17 Fevral
2020
15:34
2085
Загрузка...
 "Mirzəyeva Günel Rəşid qızı dənizdə dostları ilə sahildən təxminən 300 metr məsafədə çimərkən onun yanında Həbib Axundov olmamış, sonuncu dəniz kənarında olmuşdur” – bu sözləri vəkil sorğusuna cavab olaraq Sabunçu rayon prokuroru Ceyhun Şirinov yazır.
Prokurorun "sahildən təxminən 300 metr məsafədə çimərkən” sözləri absurddur. Necə yəni sahildən 300 metr aralıda çimərkən? Sahildən 300 metr aralıda üzgüçülük üzrə xüsusi təlim görmüş şəxslər belə çimmirlər! Orada üzürlər. Bir də ki, Günel Mirzəyeva nəinki sahildən 300 metr aralıda, heç ləpədöyəndə belə üzə bilməyib.
Gənc xanımın sudan qorxmasını təsdiqləyən videolar da var. Bir videoda Həbib Axundov onu zorla, adına "banan” deyilən xüsusi üzən vasitəyə əyləşdirir, Günel Mirzəyeva isə "banan” sahildən dənizin içinə sarı yön almağa başladığı an düşüb sahilə qaçır. 

Digər bir videoda isə yenə də Həbib Axundov Günel Mirzəyevanı xüsusi tərsanə üzərindən suya atmağa çalışır, Günel Mirzəyeva müqavimət göstərir və nəhayətdə Həbib Axundov istəyinə nail olur. Günel Mirzəyeva iradəsinin əleyhinə olaraq suya atılır və orada çabalayaraq kömək istəyir. Həmin vaxt əyinində xüsusi xilasedici canlıq olmasına baxmayaraq Günel Mirzəyevanın qışqırıb kömək istəməsi onun üzmək vərdişinin olmamasını ortaya qoyur.
Bəs Sabunçu prokuroru Ceyhun Şirinov bu videoları görübmü?
Bundan başqa Sabunçu prokuroru sorğuya cavabda yazır ki, Həbib Axundov hadisə baş verəndə sahildə olub. Bu da yumşaq desək, doğru deyil. Əlahəzrət fakta nəzər salaq. Günel Mirzəyevanın müəmmalı ölüm işi Sabunçu Prokurorluğunda olarkən Fövqəladə Hallar Nazirliyindən bu hadisə ilə bağlı verilən açıqlamda yazılırdı:
- Bədbəxt hadisə baş verən zaman yaxta sahibi Həbib Ramiz oğlu Axundov orada olub. Sabunçu prokuroru Həbib Axundov sahildə olub yazır, FHN isə onu təkzib edir və Elmira Axundovanın oğlunun məhz gəmidə olduğunu yazır.
Həbib Axundov Günel Mirzəyeva Xəzərin sularında yoxa çıxdıqdan sonra yaxasını kənara çəkirdi, deyirdi ki, bəs mən orada olmamışam. Anası Elmira Axundova da eyni mövqedəydi. Amma az keçəndən sonra Həbib Axunov da, anası Elmira Axundovanın da mövqeyi bir qədər dəyişdi. Ana-bala başladılar ki, bəs Həbib Axundov orda olub, amma sahildə dayanıb və Günel Mirzəyevanın sahildən 300 metr aralıda batmasını görüb, bəs kömək edə bilməyib. Buna qədər isə Elmira Axundova oğlunun üzgüçü olmasını, Günel Mirzəyevanın yanında olardısa, onu xilas edəcəyini demişdi. 

FHN-in verdiyi cavabdan isə bilinir ki, Həbib Axundov Günel Mirzəyeva dənizin dibinə gedəndə yanında olub! Ceyhun Şirinov üzgüçü Həbibdən soruşubmu Günel Mirzəyevanı niyə xilas etməyib? Ümumiyyətlə Həbib Axundova Günel Mirzəyevanı xilas etmək istəyibmi? Belə bir niyyəti olubmu? Buna çalışıbmı?
Bundan başqa FHN-dən verilən açıqlamada digər diqqətçəkən məqam da var:
- Yaxta dövlət qeydiyyatina alınan zaman ona keçirilmiş texniki baxış nəticəsində "istismara yararlı” qiyməti verilmişdir. Sözügedən yaxtanın 8 nəfər sərnişin götürmə qabiliyyəti var, 8 sayda xilasedici canlıq və 1 sayda dairə ilə təhciz olunub.
Sabunçu prokurorluğunda bu məqama da nədənsə diqqət yetirilməyib. Əgər yaxtada 8 ədəd xilasedici canlıq olubsa, Günel Mirzəyevanın əynində həmin canlıqlardan biri niyə olmayıb? Onun əynində canlıq olmayibsa, buna görə yaxta sahibi Həbib Axundov məsuliyyət daşımır?
Bu qədər suallar ortada ikən, Günel Mirzəyevanın ölümündə kriminal izlər qırmızı xəttlə seçildiyi bir vaxtda Sabunçu Prokurorluğu sadəcə işə xitam verib. Halbuki bu sualların cavabı mütləq ortaya qoyulmalıdır. Ortada bir gənc xanım, Azərbaycan vətəndaşı sahildən 300 metr aralı aparılıb və müəmmalı şəkildə dənizin dibinə qərq olub. 

Günel Mirzəyeva 2017-ci il iyunun 26-da Xəzərin Bilgəh qəsəbəsi ərazisində müəmmalı şəkildə dünyasını dəyşib. Bu günə qədər onun ölümü üzərində sirr pərdəsi qalmaqdadır. Fövqəladə Hallar Nazirliyi (FHN) xilasedicilərinin 3 günlük gərgin, davamlı axtarışlarından sonra G.Mirzəyevanın meyiti sudan çıxarılaraq yaxınlarına təhvil verilib.
G.Mirzəyevanın ölümü ilə bağlı Sabunçu Rayon Prokurorluğunda Cinayət Məcəlləsinin ehtiyatsızlıqdan adam öldürmə (124.1) maddəsi ilə cinayət işi başlanıb. (Ortada bu qədər açıq suallar varkən hansı ehtiyyatsızlıqdan söhbət gedir?) 

Günel Mirzəyeva müəmmalı şəkildə dənizin dibinə gedən günə qədər Həbib Axundovla olduqca mərhəm münasibətlərdə olub. Bu danılmaz faktdır və ortada bu faktı təsdiq edən videolar sosial şəbəkələrdə var. O, dənizin dibinə gedərkən hamilə olması xəbərləri də var.
Həyat yoldaşından boşanmış gənc qızın dünyaya gətirəcəyi uşağın atası kim olub? Onun ölümün hamilə olması ilə səbəbli əlaqəsi varmı? 

Günel Mirzəyevanın məzarı

Xəbər lenti

BÜTÜN XƏBƏRLƏR

Digər xəbərlər