“Deyiblər ki, əlimizi sənin qanına batırmaq istəmirik, özünü as…” - BEYLƏQANDA XƏYANƏT FACİƏSİ, İKİ İNTİHAR, BİR QULAQKƏSMƏ

“Deyiblər ki, əlimizi sənin qanına batırmaq istəmirik, özünü as…” - BEYLƏQANDA XƏYANƏT FACİƏSİ, İKİ İNTİHAR, BİR QULAQKƏSMƏ
Загрузка...
Beyləqan rayonunda ərinə iki nəfərlə xəyanət edən qadın intihar edib. "Report”un məlumatına görə, hadisə rayonun Birinci Şahsevən kəndində baş verib. Həmin kəndin ərazisində yerləşən uşaq bağçasında aşpaz işləyən N.Həsənova əri tərəfindən bağçanın gözətçisi, Füzuli rayonunun Əhmədbəyli kənd sakini G.Baxşəliyev ilə birlikdə yataqda tutulub. Hadisədən sonra qadın rayonun İkinci Şahsevən kəndində yerləşən ata evinə qaçıb və orada özünü asaraq intihar edib.
Onunla birlikdə yataqda tutulan G.Baxşəliyev isə Füzuli rayonunun Əhmədbəyli kəndinə qaçıb və o da özünü asaraq intihar edib.
Hadisədən sonra qadının əri R.Həsənov arvadının daha bir şəxslə - həmkəndlisi E.Elyarovla intim münasibətinin olduğunu öyrənib. Bu səbəbdən sözü gedən şəxslər arasında mübahisə olub. Mübahisə zəminində R.Həsənov arvadı ilə intim münasibətdə olduğunu etiraf edən E.Elyarovu bıçaqlayaraq qulaqlarını kəsib. E.Elyarov xəstəxanaya çatdırılıb. R.Həsənov isə Beyləqan Rayon Polis Şöbəsinin əməkdaşları tərəfindən saxlanılıb və istintaqa cəlb edilib.
Beyləqanın Birinci Şahsevən kəndində iki nəfərin intiharı, bir nəfərin xəsarət alması və qulağının kəsilməsi ilə nəticələnən hadisənin bəzi təfərruatları məlum olub. Virtualaz.org xəbər verir ki, iki azyaşlı uşaq anası olan 25 yaşlı Nuranə Həsənova ilə eyni yerdə işlədiyi Gündüz Baxşəliyev arasında münasibət haqda qadının həyat yoldaşına elə kənd sakinlərindən biri xəbər verib. Birinci Şahsevən kənd sakinlərinin virtualaz.org-a dediyinə görə, hadisə təxminən 7-8 gün əvvəl baş verib. Qadının əri R.Həsənov Baxşəliyevlə arvadını bir yerdə yaxalayıb, amma necə olubsa onlar qaça biliblər.
"Kənddə hamı bu hadisədən danışır, hərə bir versiya söyləyir. Deyirlər əri bunları bir yerdə tutub, ancaq hansı şəraitdə, harada tutduğu bilinmir”,-sakinlərdən biri danışıb. Nuranə Həsənova uşaq bağçasında aşbaz işləsə də, ailənin maddi imkanı pis olmayıb. "Qadın hadisədən sonra İkinci Şahsevər kəndində yerləşən ata evinə qaçıb, amma yaxınları ailəni biabr etdiyi üçün ona sahib çıxmaq istəməyiblər. Deyiblər ki, əlimizi sənin qanına batırmaq istəmirik. Qadın da intihar edib”,-söhbətləşdiyimiz kənd sakini belə deyir. Uşaq bağçasında gözətçi işləyən Füzuli rayonunun Əhmədbəyli kənd sakini G.Baxşəliyev isə intihar etmədən əvvəl onları Emil adlı kənd sakininin calaşdırdığını söyləyib. Hansı ki, həmin şəxsin də qadınla yaxın münasibəti olub. R.Həsənov Emilin arvadı ilə yaxın münasibəti olduğunu biləndən sonra onu bıçaqlayıb və təslim olub. Ağır yaralı halda Beyləqan Rayon Mərkəzi Xəstəxanasına çatdırılan Emil əməliyyat olunub. Səhiyyə Nazirliyinin mətbuat katibi Pərviz Abubəkirov virtualaz.org-un sorğusuna bildirib ki, həmin şəxs əməliyyat olunub, vəziyyəti kafidir. "Həmin şəxsə təxminən 7-8 bıçaq vurulub, bıçağın biri ürəyinə nüfuz edib, sağ mədəciyi zədələyib. əməliyyat xəstəxananın baş həkimi tərəfindən aparılıb, demək olar ki, onu həyata qaytarıblar. Sağ qulağı dibindən kəsildiyindən amputasiya olunub”,-Abubəkirov söyləyib. Faktla bağlı cinayət işi başlanılıb, araşdırma aparılır. 
Загрузка...
Загрузка...

Xəbər lenti