ASC-nin mətbuatla əlaqələrə cavabdeh şəxsi Natəvan Bayramova Criminal.az-a tikintinin dayandırıldığını bildirsə də, işlər tam sürətlə davam etdirilir. Maraqlısı odur ki, tikinti işlərinə dəmiryolu idarəsinin əməkdaşları və texnikaları da cəlb edilib. 

Criminal.az-ın əldə etdiyi məlumata görə, dəmiryolu xəttinin mühafizə zolağında obyekt insa etdirən şəxs əvvəllər C.Qurbanovun sürücüsü olmuş Sadıq adlı şəxs tərəfindən həyata keçirilir. Həmin şəxs hazırda ASC-də yüksək vəzifə tutur. 

Məsələyə Sabunçu rayonunundan olan deputat Fazil Qəzənfəroğlu da münasibət bildirib. Deputat Criminal.az-a açıqlamasında bildirib ki, sakinlərdə görüşdə həmin ərazi ilə bağlı məsələnin ADY-nın rəhbərliyi ilə müzakirə ediləcəyini söz verib. F.Qəzənfəroğlu hesab edir ki, əgər tikinti əsassız aparılsa, sakinlər buna imkan verməməli, etiraz etməlidir. 

"Kim həmin tikintiyə icazə verib? Qanunidir, yoxsa yox? Sakinlər tikintini aparan şəxslərdən sənəd tələb etsinlər. Bizim tərəfimizdən həmin ərazidə park salmaq üçün təşəbbüs qaldırılıb. Azərbaycan Dəmir Yollarına yazılı şəkildə müraciət də olunub. Bir müddət sonra rəhbərliyi ilə görüşəcəm. Əgər dəmiryolu idarəsi tərəfindən icarə müqaviləsi verilsə belə həmin ərazidə tikinti aparılmasına icazə yoxdur. Texniki şərtlər yerinə yetirilməlidir. Şəhərsalmadan icazə alınmalıdır. Bunlar olmadan tikinti aparıla bilməz. Bu məsələ ilə ciddi məşğul olacam"-deyə bildirib.  

Qeyd edək ki, hazırda sürəkli şəkildə tikinti aparılan ərazi dəmir yol xəttlərinin mühafizə zolağındadır. Həmin zolaqda ötən il yaşayış kompleksində yaşayan sakinlər 500 ağac əkiblər. Lakin Cavid Qurbanovun adından əraziyə gələn QSC rəsmiləri ağacları kökündən çıxarmışdılar. Hərəkətlərinə belə haqq qazandırmışdılar ki, ərazi dəmir yol xəttlərinin mühafizə zolağındadır. Üstündıən 1 il ötəndən sonra isə ağacların çıxarıldığı ərazidə iri obyekt inşa olunur.