Bakının məşhur "Hyatt Regency” hotelindən də karantin qaydalarının pozulması faktıyla bağlı görüntülər yayılıb. "Hyatt Regency” hotelində beş nəfərdən artıq şəxsin bir yerə toplaşdığı, həmçinin hotelin hovuzunun müştərilər üçün açıq olduğu əks olunub. Eyni zamanda hotel bir neçə gündür karantin rejiminin uzadılmasıyla bağlı rəsmi məlumatlar yayılmasına baxmayaraq, instaqram hesabında reklam yerləşdirərək qonaqları dincəlməyə dəvət edib. 

Məsələ ilə bağlı Bakı Şəhər Baş Polis İdarəsinin mətbuat xidmətinin rəisi, polis mayoru Elşad Hacıyevlə "Hyatt Regency” otelindən yayılmış görüntülərlə tanış olduğunu vurğulayıb. Qeyd edib ki, həmin görüntülərə baxılıb qiymət veriləcək.  

"Hyatt Regency” hotelindən Criminal.az-a bildirildi ki, artıq qonaq qəbul etmədiklərini bildirdi: "Təəssüf ki, müəyyən səbəblərə görə, artıq hovuz kənarında və restoranda qonaq qəbul etmirik".

 

Qeyd edək ki, hələ dünən "Fairmont Hotel” də sərt karantin rejiminin qaydalarının pozulmasından sonra sosial şəbəkə istifadəçiləri təkcə sözügedən hoteldə yox, həmçinin digər məşhur hotellərdə də qaydaların pozulduğunu qeyd edirdilər. Xatırladaq ki, ötən gün polis "Fairmont hotel” də reyd keçirib, karantin rejiminin qaydalarını pozanları inzibati məsuliyyətə cəlb edib.