Bakıda ağır qəzaya səbəb olan sürücü həbs edildi

Bakıda ağır qəzaya səbəb olan sürücü həbs edildi
Загрузка...

Bu gün Bakı Ağır Cinayətlər Məhkəməsində yol-nəqliyyat hadisəsi törətməkdə təqsirləndirilən Anar Şixiyevin cinayət işi üzrə məhkəmənin hazırlıq iclası keçirilib. 

Oxu.Az xəbər verir ki, hakim Azad Məcidovun sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib. 

Sonda prokuror vəsatət qaldıraraq, təqsirləndirilən şəxsin barəsində həbs-qətimkan tədbirinin seçilməsini və məhkəmə zalında həbs olunmasını istəyib. 

 

Vəsatət təmin edilib. A.Şixiyev məhkəmə zalında həbs edilib. 

Qeyd edək ki, hadisə ötən ilin yayında Bakının Nəsimi rayonu, Alı Mustafayev küçəsi 12-nin qarşısında baş verib. 

Belə ki, A.Şixiyevin idarə etdiyi "KİA” markalı avtomobil Vəliyev Kənan Salman oğlunun sürdüyü "Mersedes”i vurub. Nəticədə, "Mersedes”də olan üç nəfər ağır vəziyyətdə Kliniki Tibbi Mərkəzə çatdırılıb. Avqust ayının 12-də isə xəsarət alanlardan 1972-ci il təvəllüdlü Cəbiyev Hamlet Rəfael oğlu xəstəxanada dünyasını dəyişib.  

Baş vermiş qəza hadisəsi ilə bağlı Nəsimi RPİ-nin İstintaq Şöbəsində cinayət işi başlanıb və sürücü A.Şixiyev istintaqa cəlb olunub. Onun barəsində həbs-qətimkan tədbiri seçilməyib.

Загрузка...
Загрузка...

Xəbər lenti