Azərbaycanı silkələyən cinayət DOSYESİ: Yunis Səfərovun gizli saxlanılan etirafları - II HİSSƏ

Azərbaycanı silkələyən cinayət DOSYESİ: Yunis Səfərovun gizli saxlanılan etirafları - II HİSSƏ
24 Fevral 2020, 12:52
24 Fevral
2020
12:52
2026
Загрузка...
Artıq bir neçə gündür Elmar Vəliyev Gəncə şəhərinin icra başçısı olarkən onu güllələyən Yunis Səfərovun məhkəməsi başlayıb. Məhkəmə media nümayəndələri və ictimaiyyət üçün açıq deyil. Y.Səfərov hələlik məhkəmədə sərbəst ifadə verməyib. Criminal.az Azərbaycanı silkələyən cinayət hadisəsinin, onu törədən şəxsin fikirlərə ictimai marağı nəzarə alaraq istintaq materiallarını əldə edib. Y.Səfərovun istintaqa verdiyi ifadəni ixtisarla təqdim edir:
Y.Səfərovun istintaqa verdiyi ifadəsinə davam edərək bildirib ki, Eldar Orucovla 2012-ci ilin xatırlamadığı vaxtına qədər Moskva şəhərinin "Şukinski” metrosunun yaxınlığında olan "MC Donalds”-da, "Atrium” ticarət mərkəzində söhbətləşib gələcəkdə Azərbaycanda hakimiyyəti devirməyin yollarını, inqilabı həyata keçirmək və partizan silahlı qruplaşması yaratmaq üçün silahları haradan, kimdən və necə tapmağı, Eldar Orucovu həbs edilmədən Azərbaycana gətirib gizlətməyin yollarını müzakirə ediblər:
"Məqsədimiz onu gizli yolla Azərbaycana gətirdikdən sonra partizan müharibəsinə başlamaq olub"
"2010-cu ildə Moskva şəhər metrosunun "Taqanskaya” stansiyasının yaxınlığında yerləşən adını bilmədiyi mağazanın təmir işlərində fəhlə kimi işə düzəlmişəm. Həmin vaxt sonradan dostlaşdığı Azər Əliyev də onunla birlikdə fəhlə işləyib. Azər Əliyevin mənim danışıqlarıma həvəslə və israrla qulaq asmasından istifadə edərək dinlə başladığı söhbəti tədricən Azərbaycanın hakimiyyətinə qarşı yönəltmiş, Azərbaycanda baş verən siyasi və iqtisadi proseslərdən, hakimiyyət nümayəndələrinin İslam dininə, həmin dinə mənsub şəxslərə qarşı zülm etdiklərini, buna görə də həmin hakimiyyəti silah gücünə devirməklə inqilab etməyin labüdlüyünü danışmışam. Mütəmadi, uzun sürən söhbətlərindən sonra Azər Əliyev psixoloji olaraq onun təsiri altına düşüb və mənimlə həmfikir olub. Həm Eldar Orucov, həm də Azər Əliyevlə tanış olandan sonra 2010-2012-ci illərdə Eldar, Azər və Mahiri bir-biriləri ilə tanış etmişəm. Dördlükdə mütəmadi olaraq birlikdə oturub cinayətkar əməllərini realizə etmək məqsədi ilə planlarını müzakirə etmişik. Azərbaycana gəlib meşəlikdə gizlənmək, silah tapmaq, silahlı partizan qruplaşmaları yaratmaq, onların tərkibində fəal iştirak edib. Azərbaycan hakimiyyətinə qarşı mübarizə aparmaq və hakimiyyəti devirməklə konstitusiya quruluşunu zor gücünə dəyişmək barədə müzakirələr aparmışıq. Planlarımız ilə əlaqədar konkret olaraq hər hansı hakimiyyət nümayəndəsini öldürmək barədə söhbət etməmişik. Məqsədimiz əsasən Eldar Orucovun yaşına uyğun başqa bir şəxsin anket məlumatlarından istifadə etməklə pasport düzəldib onu gizli yolla Azərbaycana gətirdikdən sonra partizan müharibəsinə başlamaq, bununla da hakimiyyəti inqilab yolu ilə devirmək olub.  

Uzun sürən müzakirələrin nəticəsi olaraq onun Bakıya, anası Leylaxanım İsmayılovanın Xətai rayonu, N.Rəfiyev küçəsindəki Ceyhun Salahovun adına aldığı evinə gəlməsi, orada hazırlıq işləri görməsi, silah tapması, bir müddət sonra isə Azər Əliyev, Eldar Orucov və Mahir Əzizovun gizli yolla Azərbaycana gəlmələri, hamının onun evində yığışması, bundan sonra Eldar Orucovun Azərbaycandakı əlaqələrindən istifadə edərək gələcək partizan mübarizələri üçün qrupa adam yığmaq və hər hansı meşəyə çəkilməklə partizan müharibəsinə başlamaq barədə yekun qərara gəliblər". 
Y.Səfərov ifadəsinə davam edir: "2012-ci ilin qış ayında gələcək planlarının reallaşdırılması, bunun üçün partizan qruplaşması şəklində hakimiyyətə qarşı müharibə apararkən gizləndikləri meşəliyə öyrəşmək məqsədi ilə Eldar Orucov məni, Azər Əliyevi və Mahir Əzizovu Moskva şəhərindən iki-üç saatlıq məsafədə olan Smolensk vilayətindəki meşəlikdə daxmaya aparıb. Həmin meşədə Eldar Orucovun rəhbərliyi ilə tonqal qalamağı, bitkilərin növlərini ayırd etməyi öyrənmişik. Eldar Orucov əvvəlcədən internet səhifəsindən çıxarıb özü ilə gətirdiyi Smolensk meşəliyinin topoqrafiya xəritəsini bizə təqdim edib, hər hansı nöqtənin tapılmasını tapşırıb. Eldar Orucov da mənim kimi Fidel Kastro və Çe Gevaranın heyranı olub, özünü onların davamçısı kimi görüb, onlar kimi inqilabdan əvvəl meşəlikdə gizlənməklə partizan müharibəsinə hazırlaşmaq istəyib. 
Həmin meşədə iki-üç gün qaldıqdan sonra ərzaq tükəndiyinə görə Moskvaya qayıdıb hərə öz işi ilə məşğul olmağa başlayıb. Bundan sonrakı məsələ isə Eldar Orucovu gizli yolla Azərbaycana gətirmək olub. Buna görə ilkin olaraq dostum Mustafayev Rasim Hafis oğlunun dayısı, onun da dostluq münasibətlərində olan, fikirləri ilə Azərbaycan iqtidarına qarşı mövqedə dayanan, "Müsavat” partiyasının Gəncə şəhəri üzrə filialının sədri Kamal Zeynalovu Rusiyaya aparmağı qərarlaşdırmışıq. Bununla əlaqədar tarixini xatırlamadığım vaxt Rasim Mustafayevin həmin ərəfədə istifadəsində olan mobil telefon nömrəsinə zəng edərək Kamal Zeynalov üçün iş olduğunu
demişəm. Kamal üçün Rusiyaya getməsini xahiş etmişəm, biletin öz puluna alıb göndərib.
 
"Domodedovo” aeroportunda Kamal Zeynalovu qarşılayarkən Hamlet Abdullayevin də mən təyyarədən endiyini gördüm. Kamal Zeynalovu və Hamlet Abdullayevi yaşadığım Moskva şəhəri, Xoroşevo-Mnevniki rayonu, Demyan Bednıy küçəsi, bina 18, korpus 3, mənzil 80 ünvanına gətirmişəm. Kamal Zeynalovun pasportuna baxdıqda orada viza olduğunu gördüm, buna görə də onun pasportu ilə Eldar Orucovu Azərbaycana gətirməyin mümkün olmayacağını fikirləşdim. Kamal Zeynalov məndən pasportuna baxmağının səbəbi barədə soruşduqda Azərbaycan hakimiyyətini devirmək barədə plan qurduqlarını, həmin planı reallaşdırmaq üçün əvvəllər OMON dəstəsində olmuş Eldar Orucovu Azərbaycana gətirmək istədiyini, öz pasportu ilə gələrsə, həbs edilə biləcəyini, buna görə də onu yaşına uyğun olan adamın pasportundan istifadə etməklə Azərbaycana gətirmək istədiyini bildirmişəm. Kamal Zeynalov fikirlərimi tənqid etdi, üzvü olduğu partiyanın sakit və dinc yolla Azərbaycan iqtidarına qarşı mübarizə apardığını bildirib. Bundan sonra Kamal Zeynalovun pasportda viza olduğuna görə alınmadığını bildirdim. Kamal Zeynalov evimdə iki gün qaldıqdan sonra həmin şəhərdə yaşayan qohumunun evinə gedib, bir neçə gün sonra isə Azərbaycana qayıdıb".  

Y.Səfərov plana uyğun olaraq o, 2012-ci ildə qatarla Xətai rayonu, N.Rəfiyev küçəsindəki evinə gəlib. Özü ilə birlikdə partizan müharibəsinə hazırlıq işləri ilə əlaqədar balıq tutmaq üçün ləvazimatlar, su qabları və sair əşyalar gətirib, evin yaxınlığında olan internet klublardan birində Azərbaycanın topoqrafik xəritəsini çıxarıb. Bir müddət əvvəl Hamlet Abdullayevin ona zəng edərək odlu silah almaq istədiyini, buna görə ona borc pul lazım olduğunu dediyini, onun isə Hamlet Abdullayevə 200 ABŞ dolları pul göndərdiyini yadına salıb, Gəncə şəhərinə gedib dostu Hamlet Abdullayevlə görüşüb. Azərbaycanda hakimiyyət nümayəndələrinə qarşı partizan müharibəsinə hazırlaşmaq barədə planlarından danışıb sonuncudan onun üçün odlu silah tapmasını xahiş edib.  

İstintaq materiallarından sitat: "Hamlet Abdullayev mənə bir ədəd "Kalaşnikov” tipli avtomat verdi. Həmin avtomatı Gəncə şəhər bazarından aldığı uzun formalı sellofan torbaya paltarlarının arasında büküb mikroavtobusun arxa saxlanc yerinə qoymaqla Bakıdakı evimə gətirdim. Qurduğumuz plan üzrə silah tapmaq, Eldar Orucovun Azərbaycana maneəsiz gəlmək barədə hissəsi yerinə yetirilsə də, partizan müharibəsi üçün qruplaşmala adam toplamaq, maliyyə dəstəyi almaq məqsədi ilə növbəti gün Eldar Orucovla birlikdə metronun «Elmlər Akademiyası» stansiyasının yanına getmişəm. Eldar Orucov aşağıda köhnə dostunun gözlədiyini və onunla görüşmək istəməsi barədə deməyi tapşırdım. Həmin gün mən  və Azər Əliyev Eldar Orucovun anasının yaşadığı evdə gecələdik. Növbəti gün Eldar Orucov onun tanımadığı tanışları ilə görüşəcəyini bildirib məndən ayrıldı. Bir qədər sonra yanıma məyus şəkildə gəlib Rusiyadan Azərbaycana böyük ümidlərlə gəldiyini, lakin ağız açdığı adamlardan heç kimin ona kömək etməyə razılıq vermədiyini, Mahir Əzizovun anasının onlar barədə hüquq-mühafizə orqanlarına şikayət edə biləcəklərini əsas gətirərək hamılıqla Rusiyaya qayıtmalı olduqlarını dedi. Buna görə, Eldar Orucovla mübahisə edib ayrılmışam. Daha sonra Cavad Nəcəfi ilə birlikdə Gəncə şəhərinə qayıtmışam, Hamlet Abdullayevdən götürdüyüm silahları özünə qaytarmışam. Bir neçə gün sonra Moskva şəhərinə, ailəmin yanına qayıtmışam. 2014-cü ildə Eldar Orucov könüllü olaraq Ukraynaya gedərək ruslar tərəfindən döyüşlərdə iştirak etməyə başlayıb, mən isə 2016-cı ilə qədər Moskva şəhərində öz işlərim ilə məşğul olmuşam".

Xəbər lenti

BÜTÜN XƏBƏRLƏR

Digər xəbərlər