Criminal.az Azərbaycanı silkələyən cinayət hadisəsinin, onu törədən şəxsin fikirlərə ictimai marağı nəzarə alaraq istintaq materiallarını əldə edib. Y.Səfərovun istintaqa verdiyi ifadəni ixtisarla təqdim edir:

Y.Səfərov ibtidai istintaqa ilkin ifadəsində bildirib ki, Gəncə şəhərində anadan olsa da, 1996-cı ildə atası Rafiq Səfərov, anası Leyla İsmayılova və bacısı Lalə Səfərova ilə birlikdə Rusiyanın Tula vilayətinin, Yefremov şəhərinə köçüb kirayədə yaşayıb. Anası orta məktəbdə Azərbaycan dili və ədəbiyyatı fənni üzrə müəllimə işləyib, 10-15 il əvvəl atasından boşanıb Moskva şəhər sakini, şahmat müəllimi Serqey Sazonov adlı şəxslə rəsmi nikaha daxil olub. Son beş ildən artıq müddətdə Rusiyanın Federal Təhqiqatlar Xidmətinin Akademiyasında Azərbaycan dili və ədəbiyyat müəlliməsi işləyir, maddi cəhətdən ona köməklik göstərmir, avtomobil ustası olan atası Rafiq Səfərov isə işləmir. 

"Azərbaycan hakimiyyətinə qarşı fikirlərimi bölüşmüşəm"

Y.Səfərovun istanq ifadəsindən: "Özüm bacım ilə birlikdə orta məktəbdə təhsil almağa başlamışıq. Bir müddətdən sonra ailəmiz Moskvanın Xoroşevo-Mnevniki rayonu, Demyan Bednıy küçəsi, bina 18, korpus 3, mənzil 80 ünvanında yerləşən Aleksandr Vasilyeviç adlı yaşlı, ailəsi olmayan şəxsə məxsus 1 otaqlı evdə qalmaqla ona ev işlərində köməklik göstərmişəm. Gəncə şəhərində yerləşən evimizi Aleksandr Vasilyeviçin qaldığı ev ilə dəyişmişik. 

 

İstintaq ifadəsindən məlum olur ki, Y.Səfərovun Azərbaycan Respublikası daxili işlər nazirinin sabiq müavini, mərhum Rövşən Cavadovun oğlu Laçın Cavadovla əlaqəsi olub: "2003-cü ildə Moskva şəhərində azərbaycanlılardan ibarət diaspor təşkilatının tədbirində iştirak etmişəm. Orada bir nəfərin Azərbaycan haqqında danışıqları xoşuna gəldiyindən onunla tanış olaraq həmin şəxsin mərhum Rövşən Cavadovun oğlu Laçın Cavadov olduğunu bilmişəm. Laçın Cavadov mənə Moskva şəhərində gənclər təşkilatı yaratmaq fikrində olduğunu deyib, .Mən də Laçına dəstək olacağımı bildirmişəm. 2003-cü ildə Laçın Cavadov vəfat edib".