"Hüquqi Təhlil və Araşdırmalar" İctimai Birliyinin sədri, 42 yaşlı hüquqşünas Ramil İskəndərli iki dəfə əməliyyat olunub. "Report” xəbər verir ki, o, ürək-damar şuntlanması edilib, daha sonra isə hüquqşünasa böyrək köçürülüb.

Böyrək transplantasiyası zamanı R.İskəndərlinin donoru isə həyat yoldaşı Nigar İskəndərova olub.

Belə ki, N.İskəndərovanın böyrəyi R.İskəndərliyə köçürülüb. Hər iki cərrahi əməliyyat Bakı şəhərindəki xəstəxanalardan birində baş tutub. Hazırda hər iki şəxsin vəziyyəti yaxşıdır.