Araz Ağalarovun xəstəxanasının 2 milyardlıq müqaviləni tendersiz götürdüyü bildirilir Araz Ağalarovun xəstəxanasının 2 milyardlıq müqaviləni tendersiz götürdüyü bildirilir

Araz Ağalarovun xəstəxanasının 2 milyardlıq müqaviləni tendersiz götürdüyü bildirilir
Загрузка...
 Moskva şəhər Prokurorluğu müəssisədə araşdırmaya başlayıb
Moskva şəhər Prokurorluğu azərbaycanlı iş adamı Araz Ağalarovun koronavirus xəstələri üçün yaratdığı xəstəxanada araşdırmaya başlayıb. Məlumatı "Nastoyaşeye Vremya” yayıb. Səbəb xəstəxananın 2 milyard rubl dəyərində dövlət müqaviləsini tendersiz götürməsi, işçilərlə əmək müqaviləsi bağlamamasıdır.
Xəstəxanada 500 nəfərin çalışdığı bildirilir. Araz Ağalarov şəhərin Krasnoqorsk 1 saylı xəstəxanasını bir müddət əvvəl koronavirus xəstələri üçün hospitala çevirib. Amma hospital açılandan bir müddət sonra pasiyentlər və həkimlərdən mediaya şikayətlər edilib. Həmin şikayətlər içində dərman çatışmazlığı problemi də olub. Moskva sakini Anna Sviridyuk "Nastoyaşeye Vremya”ya bildirib ki, onun anası hospitala yerləşdirilsə də, həkimlər bir neçə gün yaşlı qadını müalicə etməyib:
"Təkcə mənim anam yox, digər pasiyentlər də baxımsız vəziyyətdə olublar. Bir palatada 4 xəstə var, amma onların heç birinə 2 sutka yaxın getməyiblər. Yalnız ikinci sutkanın sonunda gəlib anama deyiblər ki, ona nəsə verəcəklər. Bu müddətdə anamın durumu pis olub, bizimlə telefonla danışa bilmirdi. O mənə danışdı ki, 2 gün keçəndən sonra hərarətin aşağı salıblar. Deyəsən, dimedrolla analgin vurublar. Belə görünür ki, anam onun hesabına yuxuya gedib”. 

Hospital
Xəbərdə deyilir ki, şəhər prokurorluğunun hospitalda araşdırmaya başlamasından sonra, mayın 24-də ora dərman və başqa tibbi ləvazimatlar gətirilib. Həkimlər açıq şəkildə narazılıq etsələr maaşlarının kəsiləcəyindən qorxurlar. Prokurorluğun mətbuat xidməti aparılan yoxlamanın məsul şəxslərin hərəkətlərinə hüquqi qiymət verəcəyini qeyd edib. "Xəstəxananın fəaliyyətə başlamasından 2 həftə keçib. Həkimlərlə, sıravi tibb işçiləri (onlar "qırmızı zona”da çalışanlardır) ilə əmək müqaviləsi imzalanmayıb”, - bunu "Nastoyaşeye Vremya”ya adının çəkilməsini istəməyən həkimlər deyib.
Onların sözlərinə görə, əvvəlcə onlara 36 saatlıq iş həftəsinə 250 min rubl maaş vəd ediblər. İndi həmin məbləğ iki dəfə artmalıdır. Amma tibb bacıları ilə yalnız mayın 22-də əmək müqaviləsi imzalanıb.
"Nastoyaşeye Vremya” səslənən ittihamlarla bağlı "Krokus Ekspo” şirkətinə və Səhiyyə Nazirliyinin Moskva şöbəsinə müraciət etsə də, münasibət ala bilməyib. Yalnız bir gün sonra nazirliyin Moskva şöbəsi "İnterfaks” Agentliyinə deyib ki, hospitalda bütün dərmanlar var və tibb personalı ilə vaxtında müqavilə imzalanıb.

Xəbər lenti