Aclıq aksiyası keçirən vəkil Ebru Timtik 238 gün sonra həyatını itirib Aclıq aksiyası keçirən vəkil Ebru Timtik 238 gün sonra həyatını itirib

Aclıq aksiyası keçirən vəkil Ebru Timtik 238 gün sonra həyatını itirib
Загрузка...
 Timtik 2019-cu ildə 13 il 6 ay həbs cəzasına məhkum edilmişdi
Türkiyədə ədalətli mühakimə olunmasını tələb edərək həbsxanada aclıq aksiyasına başlayan vəkil Ebru Timtik aclıq aksiyasının 238-ci günü - cümə axşamı İstanbul xəstəxanasında vəfat edib. 2017-ci ildə qanunsuz İnqilabçı Xalqın Qurtuluş Partiyası-Cəbhəsi (DHKP-C) üzvlüyünə görə oxşar ittihamlarla qarşılaşan müştərisindən sonra Timtikin özü də terrorizm ittihamı ilə həbs edilmişdi.
Timtik 2019-cu ildə 13 il 6 ay həbs cəzasına məhkum edilmişdi. Vəkil Mütərəqqi Hüquqşünaslar Birliyinin (ÇHD) yeddi həmkarı ilə birlikdə bu il fevralın 3-də aclıq aksiyasına başlamışdı. 5 aprel tarixində Timtik aclıq aksiyasını sürətli ölüm adlanan fazaya çevirərək şəkər əlavələri qəbul etməyi dayandırıb. Həbsxanaya məhkum edilmiş və Timtiklə birlikdə aclıq aksiyasına başlayan vəkil Aytaç Ünsal hələ də aksiyanı davam etdirir. Hər iki vəkil məhkumlarının ədalətli mühakimə olunmasını tələb edirdilər.
Kürd Xalqları Demokratik Partiyasının (HDP) millət vəkili Dr Ömer Faruk Gergerlioğlu "Hak ve Hukuk” podcastında etdiyi açıqlamada "Hamı onun ölümünə yaxınlaşdığını bilirdi” deyib: "238 gün ərzində onlar fəryadlarımıza laqeyd qaldılar”.
"Timtik ölmək istəmirdi. Lakin Türkiyənin dövlət orqanları ona məhəl qoymadı”, - Gergerlioğlu əlavə edib. Timtikin ölümü beynəlxalq hüquq təşkilatları arasında Türkiyə məhkəməsinin qərəzli və müstəqil olmaması ilə bağlı narahatlıqları artırıb. 

Xəbər lenti