Kriminal aləmdə Mehman Surqutski kimi tanınan avtoritet hazırda bu dünyanın nüfuzlu simalarından hesab edilən "oğru” Namiq Səlifovun (Namiq Bakinski) xeyir-duası ilə cəzalandırılıb. Criminal.az-a daxil olanda məlumata görə, Mehman Surqutskinin cəzalandırılması onun bu yaxınlarda həbsdən kriminalitet Ülfət Tağıyevi (Rufo Gəncinski) "oğru” kimi qəbul etməsidir.

Rufo Gəncinski mərhum "oğru” Rövşən Lənkəranskinin yaxın adamlarından hesab edilir. O 2012-ci ildə Dubayda keçirilən "sxodka”da "oğru” titulu alıb. Namiq Bakinski isə mərhum "oğru” Nadir Səlifovun (Lotu Quli) qardaşıdır. Bakinski 2013-cü ildə "oğru” tituluna layiq görülüb. Lotu Quli qətlə yetirildikdən sonra onun orbitində olan kriminalitetlər Namiq Bakinskinin ətrafında birləşib.

 

Bakinski hazırda azərbaycanlı "oğrular” arasında kifayət qədər təsir imkanları olan şəxslərdən sayılır. Rövşən Lənkəranski və Lotu Qulinin arasında ziddiyətlərin olması isə hər kəsə məlumdur. Hər iki "oğru” dünyasını dəyişsə də (hər ikisi qətlə yetirilib) bu ziddiyyətlər hələ də davam edir. 

Məlumatda qeyd edilir ki, Namiq Bakinski bir neçə dəfə Mehman Surqutskiyə xəbərdarlıq edib. Onun Rufo Gəncinskini "oğru” kimi qəbul etməsinin yanlış olduğunu bildirib. Lakin görünür, Mehman Surqutski bu xəbərdarlıqlara məhəl qoymayıb. "Oğru”nun sözünə saya salmamaq isə kriminal dünyada böyük qəbahət hesab edilir. Bu baxımdan, Mehman Surqutski sərt şəkildə cəzalandırılıb. Bu, onun cəzaladırıldığını əks etdirən videogörüntüdə aydın görünür. 

Xatırladaq ki, bir neçə gün əvvəl isə Rufo Gənciniski "Nihad Quli"nin vurulması ilə bağlı "proqon" yaymışdı.