“Ermənistanın Baş Naziri yenidən yalan danışır”

“Ermənistanın Baş Naziri yenidən yalan danışır”
Ermənistanın Baş naziri Nikol Paşinyan cəbhədə atəşkəs barədə razılığa əməl olunacağını bəyan edib. "Dünən Vaşinqtonda razılaşdırıldığı kimi, ABŞ-ın vasitəçiliyi ilə, saat 08.00-dan etibarən qüvvəyə minən atəşkəs rejimini Ermənistan tərəfi tam qoruyacaq", - Nikol Paşinyan öz rəsmi Facebook səhifəsində yazıb.
Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Nikol Paşinyanın öz tvitter mikrobloqunda ABŞ Prezidenti Donald Trampın adını işarələyərək Ermənistanın Vaşinqton razılaşmasına əsasən atəşkəs rejiminə əməl etmələrinə dair tvitterdəki paylaşımına münasibət bildirib.
Hikmət Hacıyev tvitter səhifəsində bunları yazıb: "Ermənistanın Baş Naziri yenidən yalan danışır. Ermənistan silahlı qüvvələri humanitar atəşkəsi pozaraq saat 08:04-dən Tərtər rayonunu və kəndlərini atəşə tutmağa başlayıblar. Azərbaycan Müdafiə Nazirliyinin verdiyi məlumata görə, Ermənistan artilleriya və minaatanlarla saat 08:05-dən qüvvələrimizə qarşı hücum edir”.

Xəbər lenti