Dünənki döyüşlərdə şəhid olanlar: Ümid, Orxan, Elmin, Natiq, 2 Elçin, Murad... - BİRİNİN KÖRPƏ QIZI QALDI, DİGƏRLƏRİNİN CƏMİ 18-19 YAŞI VARDI Dünənki döyüşlərdə şəhid olanlar: Ümid, Orxan, Elmin, Natiq, 2 Elçin, Murad... - BİRİNİN KÖRPƏ QIZI QALDI, DİGƏRLƏRİNİN CƏMİ 18-19 YAŞI VARDI

Dünənki döyüşlərdə şəhid olanlar: Ümid, Orxan, Elmin, Natiq, 2 Elçin, Murad... - BİRİNİN KÖRPƏ QIZI QALDI, DİGƏRLƏRİNİN CƏMİ 18-19 YAŞI VARDI
Noyabrın 16-da dövlət sərhədində Ermənistanın təxribatları nəticəsində baş verən döyüş əməliyyatları zamanı Azərbaycan Ordusunun 7 hərbçisi şəhid olub. Criminal.az xəbər verir ki, döyüş əməliyyatları zamanı qəhrəmancasına şəhid olan Elçin Əliyev əslən Şirvan şəhərinin Bayramlı qəsəbəsindəndir. Elçinin valideynləri Şirvanda yaşayır. Şəhid əsgər bu gün doğulub, böyüdüyü Şirvanda dəfn ediləcək. 

Şəhid Elçin Əliyev
Əslən Göyçə mahalının Zod kəndindən olan Gəncə şəhər sakini Natiq Əliyev də dünən baş verən döyüşlərdə şəhid olub. N.Əliyevin azyaşlı qız övladı var. 

Şəhid Natiq Əliyev
Leytenant Ümid Niftəliyev də döyüşlərdə qəhrəmancasına həyatını itirib. O, bu gün doğulduğu Naxçıvan MR Babək rayonu, Nehrəm kəndində dəfn olunacaq.
 
Şəhid Ümid Niftəliyev
Şəhid əsgər Elmin Samir oğlu Əlizadə isə əslən Ağdamlıdır. Sosial şəbəkələrdə verilən məlumata görə, şəhidimiz Ağdamdan məcburi köçkün düşmüş nənə-babasının yanında böyüyüb. O, Mingəçevir şəhərində dəfn ediləcək.
 
Şəhid Elmin Əlizadə
Digər şəhid Elçin Mərifət oğlu Ağayev əslən Cəlilabad rayonundandır. 

Şəhid Elçin Ağayev
Daha bir şəhid Orxan Cabbarov həqiqi hərbi xidmət qulluqçusu olub, Quba rayonundan hərbi xidmətə çağırılmışdı...
 
Şəhid Orxan Cabbarov
Döyüşlərdə şəhid olan və adı Müdafiə Nazirliyi tərəfindən açıqlanan əsgər Murad Xəlilovun da fotosu artıq sosial şəbəkələrdə yayılıb.
 
Şəhid Murad Xəlilov
Xatırladaq ki, Ermənistanla dövlət sərhədinin Laçın-Kəlbəcər istiqamətində dünən günortadan başlayan və axşam saatlarına qədər davam edən şiddətli döyüşlərdə Azərbaycan ordusunun 7 hərbçisi şəhid olub, 10-u yaralanıb. Ermənistan ordusunun rəsmən açıqlandığı kimi, 13 hərbçisi əsir düşüb, 24-ü itkin düşmüş sayılır, 1 hərbçinin meyiti tapılıb.

Xəbər lenti